പ്രവാസികൾക്ക് ആശ്വാസമായി ആ വാർത്ത; യു.എ.ഇയിലെ ചില നെറ്റ്വർക്കുകളിൽ വാട്സാപ് കോളുകൾ ലഭ്യമായിത്തുടങ്ങി, എക്സ്പോ സൈറ്റിൽ നിന്നും വാട്സാപ്പ് കോൾ ചെയ്യാൻ കഴിയുന്നുണ്ടെന്ന് സന്ദർശകർ
യു.എ.ഇയിലെ ചില നെറ്റ്വർക്കുകളിൽ വാട്സാപ് കോളുകൾ ലഭ്യമായിത്തുടങ്ങിയാതായി റിപ്പോർട്ട്. എന്നാൽ, എല്ലാ നെറ്റ്വർക്കുകളിലും സേവനം ലഭ്യമല്ല എന്നാണ് അറിയാൻ കഴിയുന്നത്. നേരത്തെ യു.എ.ഇയിൽ വാട്സാപ് ഓഡിയോ, വിഡിയോ കോളുകൾ പൂർണമായും നിരോധിച്ചിരിക്കുകയായിരുന്നു.
എന്നാൽ ഇത്തരത്തിൽ ഉള്ള നിയന്ത്രണങ്ങള് മാറുന്നതിന്റെ സൂചനയാണ് പുതിയ നീക്കമെന്ന് ഏവരും കരുതുന്നു. എക്സ്പോ 2020 തുടങ്ങിയതോടെ ലോകത്തിന്റെ വിവിധ ഭാഗങ്ങളിലുള്ളവർ യു.എ.ഇയിൽ എത്തിയിരിക്കുകയാണ്. ഇവർക്ക് ഏറെ ഉപകാരപ്പെടുന്നതാണ് ഈ തീരുമാനം. എക്സ്പോ സൈറ്റിൽ നിന്നും വാട്സാപ്പ് കോൾ ചെയ്യാൻ കഴിയുന്നുണ്ടെന്ന് സന്ദർശകർ വ്യക്തമാക്കി.
അതേസമയം സുരക്ഷ മുൻനിർത്തിയാണ് വോയിസ് ഓവർ ഇൻറർനെറ്റ് പ്രോട്ടോകോൾ (വി.ഒ.ഐ.പി) സർവിസുകളിൽ ഭൂരിഭാഗവും യു.എ.ഇയിൽ നിരോധിച്ചിരിക്കുന്നത്. ടെലികമ്യൂണിക്കേഷൻ ആൻഡ് ഡിജിറ്റൽ ഗവൺമെൻറ് അതോറിറ്റിയാണ് ഇത്തരത്തിൽ നിരോധനം ഏർപ്പെടുത്തിയത്.
എന്നാൽ, കൊറോണ വ്യാപന സമയത്ത് ഇവയിൽ ചിലത് പ്രവര്ത്തനക്ഷമമായിരുന്നു. മൈക്രോസോഫ്റ്റ് ടീംസ്, സൂം, സ്കൈപ് പോലുള്ളവക്ക് കോവിഡ് സമയത്ത് പൂർണമായും അനുമതി നൽകിയിരുന്നു. ഇപ്പോഴും ഇവക്ക് അനുമതിയുണ്ട്. കുട്ടികളുടെ ഓൺലൈൻ പഠനം മുൻനിർത്തിയാണ് ഇവക്ക് അനുമതി നൽകിയത് എന്ന് അധികൃതർ വ്യക്തമാക്കി. അപ്പോഴും വാട്സാപ് കോളുകൾ കിട്ടിയിരുന്നില്ല. യു.എ.ഇയിൽ തന്നെയുള്ള നെറ്റ്വർക്കുകളിലേക്ക് വാട്സാപ് കോൾ കിട്ടുന്നുണ്ടെന്നും ചില സ്ഥലങ്ങളിൽ നിന്ന് മാത്രമാണ് നാട്ടിലേക്ക് വിളിക്കാൻ കഴിയുന്നതെന്നും ചിലർ വെളിപ്പെടുത്തുകയുണ്ടായി.
https://www.facebook.com/Malayalivartha