കൊറോണ വ്യാപനം നൽകിയ ഭീതികൾ ഒന്നും തന്നെ അവസാനിക്കുന്നില്ല. ഗൾഫ് രാഷ്ട്രങ്ങളിലേക്കുള്ള യാത്രകൾ പ്രവാസികൾ തുടരുമ്പോഴും ദിനംപ്രതി നിബന്ധനകൾ മാറ്റുകയാണ് അധികൃതർ. ഇപ്പോഴും ഇന്ത്യ പല രാജ്യങ്ങളുടെയും റെഡ് ലിസ്റ്റിൽ തന്നെയാണ് ഉള്ളത്. ആയതിനാൽ തന്നെ പ്രവാസികൾക്ക് കടക്കാൻ കടമ്പകൾ ഏറെയാണ്. അത്തരത്തിൽ കൊടുത്താൽ നിബന്ധനകൾ പ്രഖ്യാപിച്ചുകൊണ്ട് രംഗത്ത് എത്തിയിരിക്കുകയാണ് ഖത്തർ....

കൊറോണ വ്യാപനത്തെ തുടർന്ന് യാത്രാ, പ്രവേശന നയങ്ങള്‍ പുതുക്കിയതിനൊപ്പം തന്നെ കോവിഡ് അപകടസാധ്യതാ രാജ്യങ്ങളുടെ പട്ടിക ഗ്രീന്‍, റെഡ്, എക്‌സെപ്ഷനല്‍ റെഡ് എന്നിങ്ങനെ മൂന്നാക്കി ചുരുക്കിയിരിക്കുകയാണ് ഖത്തർ. കോവിഡ് ഏറ്റവും കൂടിയ എക്‌സെപ്ഷനല്‍ റെഡ് ലിസറ്റ് രാജ്യങ്ങളുടെ പട്ടികയിലാണ് ഇന്ത്യ ഉൾപ്പെട്ടിട്ടുള്ളത്. ഇന്ത്യയെ കൂടാതെ ഫിലിപ്പീന്‍സ്, നേപ്പാള്‍, ബംഗ്ലാദേശ്, ശ്രീലങ്ക, പാക്കിസ്ഥാന്‍, ഇന്തോനീഷ്യ, കെനിയ, സുഡാന്‍ എന്നീ രാജ്യങ്ങളാണ് പട്ടികയിൽ ഉൾപ്പെട്ടിട്ടുള്ളത്.

എക്‌സ്‌പെഷനല്‍ റെഡ് ലിസ്റ്റില്‍ നിന്നുള്ളവര്‍ക്കുള്ള ഇളവുകള്‍ ഇങ്ങനെയാണ്;

1.ഗ്രൂപ്പ് എ: ഖത്തര്‍ പൗരന്മാര്‍, ജിസിസി പൗരന്മാര്‍, ഖത്തറിലെ പ്രവാസി താമസക്കാര്‍ എന്നിവര്‍ക്കുള്ള ഇളവുകളാണ് നൽകിയിട്ടുള്ളത്.

.കൂടാതെ പൊതുജനാരോഗ്യ മന്ത്രാലയം അംഗീകരിച്ച കോവിഡ് വാക്‌സിനേഷന്‍ പൂര്‍ത്തിയാക്കിയ 12 ഉം അതിനു മുകളിലും പ്രായമുള്ളവര്‍ ഇതിൽ ഉൾപ്പെടുന്നു.

.ഖത്തറിലെത്തുമ്പോള്‍ ഹോട്ടല്‍ ക്വാറന്റീനിൽ രണ്ടു ദിവസം കഴിയണം.

.11 വയസു വരെയുള്ള കുട്ടികളുമായെത്തുന്ന മാതാപിതാക്കള്‍ അല്ലെങ്കില്‍ കുടുംബാംഗങ്ങളില്‍ ആരെങ്കിലും ഒരാള്‍ വാക്‌സിനേഷന്‍ പൂര്‍ത്തിയാക്കിയിരിക്കണം എന്നും പറയുന്നുണ്ട്.

. ഖത്തറിലേക്കുള്ള യാത്രയ്ക്ക് 72 മണിക്കൂറിന് മുന്‍പ് അംഗീകൃത കേന്ദ്രങ്ങളില്‍ നടത്തിയ കോവിഡ് നെഗറ്റീവ് പരിശോധനാ സര്‍ട്ടിഫിക്കറ്റ് നിര്‍ബന്ധമാണ്.

.കൂടാതെ ഖത്തറിലെത്തിയ ശേഷം 36 മണിക്കൂറിനുളളില്‍ പിസിആര്‍ പരിശോധന നിര്‍ബന്ധം. ഹോട്ടല്‍ ക്വാറന്റീനില്‍ പിസിആര്‍ പരിശോധന നടത്തണം. രാജ്യത്തിന് പുറത്ത് നിന്ന് വാക്‌സിനേഷന്‍ പൂര്‍ത്തിയാക്കിയ (മന്ത്രാലയം അംഗീകരിച്ച)വർക്ക് ഹോട്ടല്‍ ക്വാറന്റീനില്‍ സെറോളജി ആന്റിബോഡി പരിശോധന നടത്തുന്നതാണ്.

B). വാക്‌സിനെടുക്കാത്ത അല്ലെങ്കില്‍ വാക്‌സിനേഷന്‍ പൂര്‍ത്തിയാക്കാത്തവര്‍ക്കുള്ള ഇളവുകൾ;

.ഹോട്ടല്‍ ക്വാറന്റീന്‍ ഏഴു ദിവസം കഴിയണം.

.യാത്രയ്ക്ക് 72 മണിക്കൂര്‍ മുന്‍പെടുത്ത കോവിഡ് പിസിആര്‍ നെഗറ്റീവ് പരിശോധനാ സര്‍ട്ടിഫിക്കറ്റ് നൽകിയിരിക്കണം.

.ഹോട്ടല്‍ ക്വാറന്റീനില്‍ ആറാമത്തെ ദിവസം പരിശോധന നടത്തും. കോവിഡ് പിസിആര്‍ ഫലം നെഗറ്റീവെങ്കില്‍ ഏഴാമത്തെ ദിവസം ക്വാറന്റീന്‍ അവസാനിക്കുന്നതാണ്.

2.ഗ്രൂപ്പ് ബി: ഖത്തറിലേക്കെത്തുന്ന സന്ദര്‍ശകര്‍ (എല്ലാത്തരം സന്ദര്‍ശക വീസകളിലുള്ളവര്‍ക്കും):

A). വാക്‌സിനേഷന്‍ പൂര്‍ത്തിയാക്കിയ 12 ഉം അതിനു മുകളിലും പ്രായമുളള സന്ദര്‍ശകര്‍ക്ക്

.ഹോട്ടല്‍ ക്വാറന്റീന്‍ രണ്ടു ദിവസം ഉണ്ടാകുന്നതാണ്.

.11 വയസു വരെയുള്ള വാക്‌സിനെടുക്കാത്ത കുട്ടികള്‍ക്കൊപ്പം എത്തുന്ന മാതാപിതാക്കള്‍ അല്ലെങ്കില്‍ കുടുംബാംഗങ്ങള്‍ വാക്‌സിനേഷന്‍ പൂര്‍ത്തിയാക്കിയവര്‍ ആയിരിക്കണം.

.യാത്രയ്ക്ക് 72 മണിക്കൂര്‍ മുന്‍പെടുത്ത കോവിഡ് നെഗറ്റീവ് പരിശോധനാ സര്‍ട്ടിഫിക്കറ്റ് നേടിയിരിക്കണം.

.ഹോട്ടല്‍ ക്വാറന്റീനില്‍ എത്തുമ്പോള്‍ പിസിആര്‍ പരിശോധന നടത്തുന്നതാണ്.

.രാജ്യത്തിന് പുറത്ത് നിന്ന് വാക്‌സിനേഷന്‍ പൂര്‍ത്തിയാക്കിയവര്‍ക്ക് (മന്ത്രാലയം അംഗീകരിച്ച) ഹോട്ടല്‍ ക്വാറന്റീനില്‍ സെറോളജി ആന്റിബോഡി പരിശോധന നടത്തുകയും ചെയ്യും.

B). വാക്‌സിനെടുക്കാത്ത സന്ദർശകർക്ക് പ്രവേശനമില്ല.

C). വ്യവസ്ഥകൾക്ക് വിധേയമായി അംഗീകരിച്ച വാക്‌സീനുകൾ (സിനോഫോം, സിനോവാക്, സ്ഫുട്‌നിക് വി) രണ്ടുഡോസും എടുത്തവർക്ക് യാത്രയ്ക്ക് മുൻപുള്ള പോസിറ്റീവ് സെറോളജി ആന്റിബോഡി ടെസ്റ്റ് നിർബന്ധം. പരിശോധനാഫലത്തിന്റെ സാധുത 30 ദിവസമാണ് നൽകിയിട്ടുള്ളത്.