ബിഗ് ടിക്കറ്റ് നറുക്കെടുപ്പിൽ ഒരു കോടി അടിച്ച ആ ഭാഗ്യശാലി ആരാണ് പ്രവാസികൾ മുഴുവൻ തെരഞ്ഞ ആ ഭാഗ്യവാനെ ഇപ്പോൾ കണ്ടെത്തിയിരിക്കുന്നു. ബിഗ് ടിക്കറ്റ് നറുക്കെടുപ്പിൽ ഒരു കോടി ദിർഹം അതായത് ഏകദേശം 20 കോടിയിലേറെ രൂപ, ടിക്കറ്റ് അടിച്ചത് ഖത്തറിലെ അൽസുവൈദി ഗ്രൂപ്പ് ഹൈപ്പർമാർക്കറ്റ് ജീവനക്കാരായ 40 പേർ ചേർന്ന് അക്കൗണ്ടന്റും കൊല്ലം പരവൂർ സ്വദേശിയുമായ നഹീൽ നിസാമുദ്ദീന്റെ പേരിൽ എടുത്ത 6 ടിക്കറ്റുകളിൽ അവസാനത്തേതിനുമാനാണ് കിട്ടിയത് .

ഇദ്ദേഹത്തെ ബന്ധപ്പെടാൻ ബിഗ് ടിക്കറ്റ് അധികൃതർ നടത്തിയ ശ്രമം നേരത്തെ ഫലം കണ്ടില്ലായിരുന്നു. 37 മലയാളികളും 3 ബംഗ്ലാദേശുകാരും 50 റിയാൽ വീതം ശേഖരിച്ചാണ് ടിക്കറ്റ് എടുത്തത് ഒടുവിൽ അവർക്ക് തന്നെ ഭാഗ്യം തേടിയെത്തി .

സമ്മാനത്തുക തുല്യമായി വീതിക്കുമെന്ന് നഹീൽ പറഞ്ഞു. മാസത്തിൽ 50 ദിർഹം മാറ്റിവച്ച് എല്ലാ മാസവും വ്യത്യസ്ത ആളുകളുടെ പേരിൽ ടിക്കറ്റ് എടുക്കുക പതിവായിരുന്നുവെന്ന് ഇദ്ദേഹം വെളിപ്പെടുത്തി . ഇത്തവണ തനിക്കു ഭാഗ്യസാധ്യത കാണുന്നുണ്ടെന്നും തന്റെ പേരിൽ എടുക്കണമെന്നുമുള്ള നഹീലിന്റെ ആത്മവിശ്വാസം ഫലിക്കുകയായിരുന്നുവെന്ന് സംഘാംഗമായ കണ്ണൂർ പയ്യന്നൂർ സ്വദേശി ഷിനോയ് വ്യക്തമാക്കി.

സംഘത്തിലെ ഓരോരുത്തരും സാമ്പത്തിക പ്രയാസം അനുഭവിക്കുന്നവരാണ്. അതുകൊണ്ടുതന്നെ അവരവരുടെ ആവശ്യങ്ങൾ നിറവേറ്റുവാൻ ആണ് പൈസ ഉപയോഗിക്കുന്നതെന്നും അദ്ദേഹം വെളിപ്പെടുത്തി. സമ്മാനം ലഭിച്ചുവെന്ന് കരുതി ആരും ജോലി വിടില്ലെന്നും അദ്ദേഹം തുറന്നടിച്ചു.

മറ്റു നറുക്കെടുപ്പിെല ജേതാക്കൾ ആരൊക്കെ ആണെന്ന് കൂടെ നോക്കാം. മുഹമ്മദ് ഹാസിം (റേഞ്ച് റോവർ), ഏഞ്ചലോ ഫെർണാണ്ടസ് (10 ലക്ഷം ദിർഹം), ജഈൻ ലീ (1 ലക്ഷം), മഞ്ജു തങ്കമണി മധു (90,000), ജെഫ്രി പുമറെജ (80,000), ഷാജിർ ജബ്ബാർ (70,000), അൻസാർ എം.ജെ (60,000), ശ്യാംകുമാർ പിള്ള (50,000).

ഏതായാലും കഷ്ടപ്പെടുന്ന ഇവർക്ക് വലിയൊരു ആശ്വാസമായിരിക്കുകയാണ് നറുക്കെടുപ്പിലെ വിജയം. നമ്മൾ ഏതെങ്കിലും രീതിയിലുള്ള പ്രശ്നങ്ങൾ അനുഭവിച്ചാൽ ഉറപ്പായിട്ടും നമ്മളെ തേടി സന്തോഷകരമായ മറ്റൊരു വാർത്ത വരും എന്നത് ഉറപ്പായ കാര്യമാണ് എന്ന് തെളിയിക്കുകയാണ് ഈ സംഭവം.