മാസ്ക്ക് നിര്ബന്ധമാക്കിയിട്ടുള്ള സ്ഥലങ്ങളില് മാസ്ക്ക് ധരിച്ചില്ല, 9 പേര്ക്കെതിരെ നടപടി സ്വീകരിച്ച് ഖത്തര്
കൊവിഡ് നിയന്ത്രണങ്ങളില് ഖത്തര് ചില ഇളവുകള് വരുത്തിയിരുന്നു.അതിന്റെ ഭാഗമായി പൊതുസ്ഥലങ്ങളില് ഇപ്പോള് മാസ്ക്ക് നിര്ബന്ധമല്ല. എന്നാല് മാസ്ക്ക് നിര്ബന്ധമാക്കിയിട്ടുള്ള സ്ഥലങ്ങളില് മാസ്ക്ക് ധരിക്കേണ്ടതാണ്. ഇത്തരം സ്ഥാലങ്ങളില് മാസ്ക്ക് ധരിക്കാത്ത 9 പേര്ക്കെതിരെ നടപടി സ്വീകരിച്ചിരുക്കുകയാണ് ഖത്തര്. ഇവരെ പബ്ലിക് പ്രോസിക്യൂഷന് കൈമാറിയതായി ആഭ്യന്തര മന്ത്രാലയം അധികൃതര് അറിയിച്ചു. രാജ്യത്ത് കൊവിഡ് നിയന്ത്രണങ്ങളില് ഇളവ് നല്കിക്കൊണ്ടുള്ള ക്യാബിനറ്റ് തീരുമാനത്തിന്മേലാണ് നടപടി സ്വീകരിച്ചതെന്ന് അധികൃതര് വ്യക്തമാക്കി.
അടച്ചിട്ട പൊതുസ്ഥലങ്ങളില് മാസ്ക്ക് ധരിക്കുന്നത് തുടരണമെന്നാണ് നിലവിലെ നിര്ദേശം. അതേസമയം തുറസായ പൊതുസ്ഥലങ്ങളില് ഇപ്പോള് മാസ്ക്ക് നിര്ബന്ധവുമില്ല. എന്നാല് പ്രത്യേകമായി സംഘടിപ്പിക്കപ്പെടുന്ന പരിപാടികളില് മാസ്ക്ക് ധരിക്കണം. ഇതിന് പുറമെ പള്ളികള്, സ്കൂളുകള്, യൂണിവേഴ്സിറ്റികള്, ആശുപത്രികള് എന്നിവിടങ്ങളിലും മാസ്ക്ക് നിര്ബന്ധമാണ്. മാസ്ക്ക് ധരിക്കാത്തതുമായി ബന്ധപ്പെട്ട നിയമലംഘനങ്ങള്ക്ക് സാംക്രമിക രോഗങ്ങള് തടയുന്നതിനുള്ള 1990ലെ 17-ാം നമ്പര് ഉത്തരവ് പ്രകാരമാണ് നടപടി സ്വീകരിക്കുക.
ഇത്തരത്തില് ആയിരക്കണക്കിന് പേരേയാണ് അധികൃതര് പിടികൂടി തുടര് നടപടികള്ക്കായി പ്രോസിക്യൂഷന് കൈമാറിയിട്ടുള്ളതെന്ന് ആരോഗ്യ മന്ത്രാലയം പുറത്തിറക്കിയ പ്രസ്താവനയില് അറിയിച്ചു. അതിനാല് പ്രവാസികളെല്ലാം തന്നെ ഇത്തരം കാര്യങ്ങള് ശ്രദ്ധിച്ച് മാത്രം പുറത്തിറങ്ങുക.
https://www.facebook.com/Malayalivartha
