കൊറോണ വ്യാപനം നൽകിയ വിലക്കുകൾ നീങ്ങി യുഎഇ സജീവമാകുമ്പോൾ പ്രവാസികൾ ഏവരും പ്രതീക്ഷയോടെയാണ് ഉറ്റുനോക്കുന്നത്. എന്നാൽ പ്രവാസികളെ എന്നും നെഞ്ചോട് ചേർക്കുന്ന യുഎഇ കൂടുതൽ തൊഴിലവസരങ്ങളാണ് നൽകുന്നത്. ആകർഷകമായ ശമ്പളവും കൂടാതെ കൂടുതൽ സ്വകാര്യങ്ങളും നൽകിയാണ് പ്രവാസികൾക്കായി അധികൃതർ കാത്തിരിക്കുന്നത്.....

ദുബായ് എക്സ്പോ 2020 ആരംഭിച്ച സാചര്യത്തിൽ കൂടുതൽ തൊഴിലുകളാണ് നൽകിവരുന്നത്. യു എ ഇയിലെ എയർലൈൻ മേഖലയിൽ മാത്രം കൂടുതൽ തൊഴിൽ സാധ്യത വർധിക്കുന്നു. നൂറുകണക്കിന് ഒഴിവുകളാണ് വിമാനകമ്പനികൾ ഇതിനോടകം തന്നെ പ്രഖ്യാപിച്ചത്. ഗൾഫ് രാജ്യങ്ങളിൽ കോവിഡ് പ്രതിദിന കണക്കുകൾ കുറയുന്നതും സഞ്ചാരികളുടെ ഒഴുക്ക് വർധിക്കാൻ കാരണമായിട്ടുണ്ട്. കഴിഞ്ഞമാസം എമിറേറ്റ്സ് ഗ്രൂപ്പ് മാത്രം 3600 ഒഴിവുകളാണ് പ്രഖ്യാപിച്ചത്.

ക്രൂ അംഗങ്ങള്‍, എയർപോർട്ട് ജീവനക്കാര്‍ എന്നി ഒഴിവുകളാണ് എമിറേറ്റ്സ് ഇതിനോടകം തന്നെ പ്രഖ്യാപിച്ചത്. ദുബൈയിലെ ഹബ്ബിലേക്കായിരുന്നു നിയമനങ്ങൾ മുഴുവൻ ഉണ്ടായിരുന്നത്. ലോകത്തിന്റെ വിവിധ ഭാഗങ്ങളിൽ നിന്നുള്ള അപേക്ഷകർക്ക് ഇതിൽ അവസരം നൽകിയിരുന്നു. തൊട്ടുപിന്നാലെ തന്നെ ഇത്തിഹാദ് എയർലൈൻസും നൂറുകണക്കിന് ഒഴിവുകളിൽ നിയമനം നടക്കുന്നതായി അറിയിച്ചു.

അങ്ങനെ ആയിരം ഒഴിവുകളിലേക്ക് യു എ ഇ, ഈജിപ്ത്, ലബനാൻ, റഷ്യ, സ്പെയിൻ, ഇറ്റലി, നെതർലന്റ് എന്നിവിടങ്ങളിൽ റിക്രൂട്ട്മെന്റ് ഡ്രൈവ് നടത്തുമെന്നാണ് ഇത്തിഹാദ് അറിയിപ്പ് നൽകിയത്. യു എ ഇയിലെ ഒരു വിമാനകമ്പനിക്കായി ഈ മാസം 11 ന് ബർദുബൈയിൽ വാക്ക് ഇൻ ഇന്റർവ്യൂ നടത്തുമെന്ന് റിക്രൂട്ടിങ് കമ്പനിയായ അഡെക്കോ അറിയിപ്പ് നൽകി. ബർദുബൈ ഹോളിഡേ ഇൻ ഹോട്ടലിൽ രാവിലെ ഒമ്പത് മുതൽ വൈകുന്നേരം അഞ്ച് വരെ ഇന്റർവ്യൂ നടക്കുന്നതാണ്.

ഇവിടെ മാത്രം 500 ലധികം ഒഴിവുകളിലേക്കാണ് നിയമനമെന്നും അയ്യായിരം ദിർഹം വരെ ശമ്പളം പ്രതീക്ഷിക്കാമെന്നും ഏജൻസി അറിയിച്ചിട്ടുണ്ട്. കോവിഡ് നിയന്ത്രണവിധേയമായതോടെ ഗൾഫ് മേഖലയിൽ ടൂറിസവും എയർലൈൻ മേഖലയും പുതിയ ഉണർവ് നേടുന്നതിന്റെ സൂചനകളാണ് ഈ നിയമനങ്ങൾ എന്ന് വിലയിരുത്തുന്നു.എന്തായാലും പ്രവാസികൾക്ക് വമ്പൻ അവസരങ്ങളാണ് ഇതുവഴി പുറത്ത് വരുന്നത്.