ഒരിടവേളയ്ക്ക് ശേഷം വീണ്ടും നിയന്ത്രണങ്ങങ്ങൾ കടുപ്പിച്ച് സൗദി അറേബ്യ രംഗത്ത് എത്തിയിരിക്കുകയാണ്. കൊറോണ വ്യാപനം നിയന്ത്രണവിധേയമായെന്നരാജ്യങ്ങൾക്ക് നേരിട്ട് സൗദിയിൽ എത്താൻ വിലക്ക് തുടരുന്ന സാഹചര്യത്തിലാണ് വീണ്ടും നിയന്ത്രങ്ങൾ കടുപ്പിക്കുന്നു എന്ന വാർത്തകൾ പുറത്ത് വരുന്നത്....

സൗദിയിൽ ഇനിമുതൽ പുറത്തിറങ്ങാൻ കോവിഡ്​ വാക്​സിൻ രണ്ട്​ ഡോസ് നിർബന്ധമാക്കിയിരിക്കുകയാണ്. പുതിയ നിയമം പ്രാബല്യത്തിൽ വന്നുകഴിഞ്ഞു. ഇനിമുതൽ രാജ്യത്ത്​ സ്വദേശികൾക്കും വിദേശികൾക്കുമുള്ള വ്യക്തിവിവര ആപ്പായ 'തവക്കൽനാ'യിലെ ആരോഗ്യ സ്​റ്റാറ്റസി​ലുണ്ടായ പുതിയ മാറ്റങ്ങൾ എന്തെല്ലാമാണെന്നും​ ആരോഗ്യ മന്ത്രാലയം ഇതോടൊപ്പം തന്നെ വെളിപ്പെടുത്തി. രാജ്യത്ത്​ ജോലി സ്ഥലത്തും പൊതുവിടങ്ങളിലും ഗതാഗത സംവിധാനങ്ങളും പ്രവേശിക്കാൻ രണ്ട്​ ഡോസ്​ വാക്​സിൻ നിർബന്ധമാണെന്ന പുതിയ നിയമത്തിന്റെ അടിസ്ഥാനത്തിലാണ്​ 'തവക്കൽനാ' അധികൃതർ അപ്​ഡേറ്റ്​ ചെയ്​തിരിക്കുന്നത്​​.

കൂടാതെ പുതിയ മാറ്റത്തിൽ രണ്ട്​ ഡോസ്​ വാക്​സിനെടുത്തവരെ മാത്രമാണ്​ 'പ്രതിരോധ കുത്തിവെപ്പ്​ എടുത്തവർ' എന്ന വിഭാഗത്തിൽ ഉൾപ്പെടുത്തുക​.​ തവക്കൽനായിൽ ഇക്കാര്യം പ്രത്യേകം കാണിക്കുന്നതായിരിക്കും. രാജ്യത്തെ അംഗീകൃത കോവിഡ്​ വാക്​സിനുകളിൽ ഒന്നിന്റെ ആദ്യ ഡോസ്​​ എടുത്തവരുടെ സ്​റ്റാറ്റസ്​ 'ആദ്യഡോസ്​ എടുത്തവർ' എന്നും വാക്​സിനെടുക്കാൻ വേണ്ട പ്രായപരിധിയിൽപ്പെടാത്തവരുടേത്​​ 'രോഗം സ്ഥിരീകരിച്ചിട്ടില്ല' എന്നും വാക്​സിൻ എടുക്കേണ്ടവർ വാക്​സിനെടുത്തിട്ടില്ലെങ്കിൽ 'പ്രതിരോധ കുത്തിവെപ്പ്​ എടുത്തിട്ടില്ല എന്നുമായിരിക്കും ആപ്പിൽ കാണിക്കുക.

അതോടൊപ്പം തന്നെ രോഗബാധിതർ, രോഗികളുമായി ഇടപഴകിയവർ, ഹോം ക്വാറൻറീനിലും ഇൻസ്​റ്റിറ്റ്യൂഷനൽ ക്വാറൻറീനിലും കഴിയുന്നവർ എന്നീ സ്​റ്റാറ്റസുകളും അപ്​ഡേറ്റ്​ ചെയ്​ത തവക്കൽനയിൽ ഉണ്ടാകുന്നതായിരിക്കും. രണ്ട്​ ഡോസ്​ വാക്​സിൻ എടുത്താലേ പ്രവേശനം അനുവദിക്കുന്നത്​ സാമ്പത്തിക, വാണിജ്യ, സാംസ്​കാരിക, വിനോദ, സ്​പോർട്സ്​​, ടൂറിസം മേഖലകളിലും പൊതു സ്വകാര്യ സ്ഥാപനങ്ങൾ, പൊതുഗതാഗത സംവിധാനം എന്നിവയിലുമാണ് എന്നും അധികൃതർ വ്യക്തമാക്കി​​.

അതുപോലെ താനെ സാംസ്​കാരിക - സാമൂഹിക - വിനോദ പരിപാടികൾ, വിമാനയാത്ര, ഉംറ അനുമതി പത്രം എന്നിവയ്​ക്കും​ രണ്ട്​ ഡോസ്​ കോവിഡ് വാക്​സിനേഷൻ നിർബന്ധമാക്കിയിട്ടുണ്ട്​. തവക്കൽനാ ആപ്ലിക്കേഷനിൽ കാണിച്ചിരിക്കുന്ന 'വാക്​സിൻ എടുക്കുന്നതിൽ നിന്ന് ഒഴിവാക്കപ്പെട്ട' വിഭാഗങ്ങൾക്ക്​ പുതിയ നിയമം ബാധകമാകുന്നതല്ല. ആയതിനാൽ തന്നെ കൂടുതൽ ജാഗ്രത പുലർത്തേണ്ടതാണ്.