2 ലക്ഷം പേർക്ക് അവസരം ഒരുങ്ങുന്നു! വേഗമാകട്ടെ; ഏകദേശം 91,000 കാബിൻ ക്രൂവും 54,000 പൈലറ്റുമാരും 51,000 സാങ്കേതിക ജീവനക്കാരും ആവശ്യമുണ്ടെന്ന് യുഎസ് വിമാന നിർമാതാവ്, യുഎഇയിലെ എയർലൈനുകൾ അവരുടെ റിക്രൂട്ട്മെന്റ് ശ്രമങ്ങൾ ആരംഭിച്ചു
ലോകത്തെ അമ്പരപ്പിച്ച് ദുബായ് എക്സ്പോ 2020യും ലോകകപ്പും കൂടാതെ സുവര്ണജൂബിലിയും ഒന്നിനുപുറകെ ഒന്നായി ആഘോഷമാക്കുന്ന യുഎഇ ഏവർക്കും ആശ്വാസമായി തീരുകയാണ്. കൊറോണ നൽകിയ ദുരിതങ്ങളിൽ നിന്നും പ്രവാസികളെ കൈപിടിച്ചുയർത്താൻ തയ്യാറായി അധികൃതർ. കൂടുതൽ തൊഴിൽ അവസരങ്ങളുമായി യുഎഇ വിമാനക്കമ്പനികൾ...
യുഎഇയിലെയും മറ്റു ഗൾഫ് രാഷ്ട്രങ്ങളിലെയും വിമാനക്കമ്പനികളിലേക്ക് 2 ലക്ഷം ജീവനക്കാരെ ആവശ്യമുണ്ടെന്ന് റിപ്പോർട്ട്. മേഖലയിലെ വാണിജ്യ വ്യോമയാന വ്യവസായത്തിന് ഏകദേശം 91,000 കാബിൻ ക്രൂവും 54,000 പൈലറ്റുമാരും 51,000 സാങ്കേതിക ജീവനക്കാരും ആവശ്യമുണ്ടെന്ന് യുഎസ് വിമാന നിർമാതാവ് വ്യക്തമാക്കുകയുണ്ടായി.
ഭാവിയിൽ മാനവ വിഭവശേഷി ഗണ്യമായി വർധിപ്പിക്കേണ്ടത് ആവശ്യമാണെന്ന് ബോയിങ് മിഡിൽ ഈസ്റ്റ് & ആഫ്രിക്കയുടെ വാണിജ്യ മാർക്കറ്റിങ് മാനേജിങ് ഡയറക്ടർ റാൻഡി ഹെയ്സി മാധ്യമങ്ങളോട് പറഞ്ഞു. 2021 ലെ വാണിജ്യ മാർക്കറ്റ് ഔട്ട്ലുക്കിൽ (സിഎംഒ) പ്രവചിക്കുന്നത് മിഡിൽ ഈസ്റ്റിലെ എയർലൈനുകൾക്ക് 700 ബില്യൺ ഡോളർ വിലമതിക്കുന്ന 3,000 പുതിയ വിമാനങ്ങൾ ആവശ്യമായി വരുമെന്നതാണ്.
ഇതിനോടകം തന്നെ ഇത്തിഹാദും എമിറേറ്റ്സും നിയമം തുടങ്ങി.
അതോടൊപ്പം തന്നെ യുഎഇയിലെ എയർലൈനുകൾ അവരുടെ റിക്രൂട്ട്മെന്റ് ശ്രമങ്ങൾ ആരംഭിച്ചു കഴിഞ്ഞു. കഴിഞ്ഞ കുറച്ച് ദിവസങ്ങൾക്ക് മുൻപ് അബുദാബിയിലെ ഇത്തിഹാദ് എയർവേയ്സ് കാബിൻ ക്രൂ ആയി ചേരാൻ 1,000 പുതിയ ജീവനക്കാരെ നിയമിക്കുകയാണെന്ന് അറിയിച്ചിരുന്നു. യുഎഇ ഒഴികെ ഈജിപ്ത്, ലബനൻ, റഷ്യ, സ്പെയിൻ, ഇറ്റലി, നെതർലൻഡ്സ് തുടങ്ങി 10 രാജ്യങ്ങളിൽ റിക്രൂട്ട്മെന്റ് ദിവസങ്ങൾ നടക്കുന്നതാണ്. കഴിഞ്ഞ 18 മാസങ്ങൾ അവിശ്വസനീയമാംവിധം ബുദ്ധിമുട്ടേറിയതായിരുന്നു. എന്നിരുന്നാൽ തന്നെയും, യാത്രാ നിയന്ത്രണങ്ങൾ ലഘൂകരിക്കുകയും വർദ്ധിച്ചുവരുന്ന ആവശ്യങ്ങൾ നിറവേറ്റുന്നതിനായി പ്രവർത്തനങ്ങൾ ത്വരിതപ്പെടുത്തുകയും ചെയ്യുന്നതിനാൽ ശുഭാപ്തി വിശ്വാസമുണ്ട്. ഇതിന്റെ നിർണായകമായ ഭാഗം ഞങ്ങളുടെ കാബിൻ ക്രൂ ടീമിനെ പുനർനിർമിക്കുകയാണെന്ന് ഇത്തിഹാദ് എയർവേയ്സിന്റെ ക്രൂ പെർഫോമൻസ് ആൻഡ് സപ്പോർട്ട് തലവൻ ജിഹാദ് മത്ത ചൂണ്ടിക്കാണിച്ചു.
അതേസമയം അടുത്ത ആറു മാസത്തിനുള്ളിൽ 3,000 കാബിൻ ക്രൂവിനെയും 500 എയർപോർട്ട് സർവീസ് ജീവനക്കാരെയും ദുബായ് ഹബ്ബിൽ ചേരാൻ ലോകമെമ്പാടുമുള്ള പ്രചാരണം ആരംഭിച്ചതായി എമിറേറ്റ്സ് എയർലൈൻസ് അധികൃതർ അറിയിച്ചു.
യാത്രാ നിയന്ത്രണങ്ങൾ ലഘൂകരിക്കുന്നതിന് അനുസൃതമായി നെറ്റ്വർക്ക് പ്രവർത്തനങ്ങൾ ക്രമേണ പുനഃസ്ഥാപിച്ച എമിറേറ്റ്സ്, കഴിഞ്ഞ വർഷം കോവിഡ്19 കാരണം വിമാനങ്ങളിൽ ഗണ്യമായ കുറവ് വരുത്തിയപ്പോൾ ഒഴിവാക്കിയ പൈലറ്റുമാരെയും കാബിൻ ക്രൂവിനെയും മറ്റു ജീവനക്കാരെയും തിരിച്ചു വിളിക്കുകയും ചെയ്യുന്നുണ്ട്. ലോകത്തിന് ശുഭാപ്തിവിശ്വാസം നൽകി ഗൾഫ് രാഷ്ട്രങ്ങൾ മുന്നേറുകയാണ്. പ്രവാസികൾ ഏവരും പ്രതീക്ഷയോടെയാണ് ഇത് ഉറ്റുനോക്കുന്നത്.
https://www.facebook.com/Malayalivartha