സൗദിയെ ലക്ഷ്യമിട്ട് വീണ്ടും ഹൂതികളുടെ മിസൈല് ആക്രമണം; തെക്ക് പടിഞ്ഞാറന് സൗദിയിലെ അബഹ വിമാനത്താവളം ലക്ഷ്യമിട്ടാണ് ആക്രമണo!
സൗദിക്കെതിരെയുള്ള ഹൂതികളുടെ ആക്രമണം തുടർക്കഥയാകുകയാണ്. സൗദിയെ ലക്ഷ്യമിട്ട് യെമന് വിമത സായുധ സംഘമായ ഹൂതികളുടെ മിസൈല് ആക്രമണം വീണ്ടും നടന്നതായി റിപ്പോർട്ട്. തെക്ക് പടിഞ്ഞാറന് സൗദിയിലെ അബഹ വിമാനത്താവളം ലക്ഷ്യമിട്ടാണ് ആക്രമണo നടന്നിരിക്കുന്നത്. അതേസമയം സൗദിയുടെ നേതൃത്വത്തിലുള്ള അറബ് സഖ്യസേന മിസൈലിനെ ആകാശത്തുവെച്ച് തന്നെ തകര്ക്കുകയുണ്ടായി.
അതോടൊപ്പം തന്നെ ദക്ഷിണ സൗദിയിലെ തന്നെ നജ്റാന് ലക്ഷ്യമിട്ടും മിസൈല് ആക്രമണം ഉണ്ടായി. ഹൂതികള് അടിക്കടി സൗദി അറേബ്യയെ ലക്ഷ്യമിട്ട് ഡ്രോണ് – മിസൈല് ആക്രമണങ്ങള് നടത്തുകയാണെന്ന് സൗദി അധികൃതര് വിമര്ശനം ഉന്നയിച്ചു.
സൗദിയിലെ സാധാരണക്കാരെ ലക്ഷ്യമിട്ട് നടത്തുന്ന ഇത്തരത്തിലുള്ള ആക്രമണം യുദ്ധക്കുറ്റത്തിന്റെ പരിധിയില് വരുമെന്നും രാജ്യം മുന്നറിയിപ്പ് നല്കിയിരിക്കുകയാണ്. ഇതിന് മുമ്പ് ജിസാനിലെയും അബഹയിലെയും വിമാനത്താവളങ്ങള്ക്ക് നേരെ ഹൂതികള് ആക്രമണം നടത്തിയിട്ടുണ്ട്.
https://www.facebook.com/Malayalivartha