കാത്തിരുന്ന പ്രവാസികൾക്ക് ആശ്വാസ വാർത്തയുമായി ഒമാൻ ഭരണകൂടം. നിയന്ത്രങ്ങൾ ഒന്നൊന്നായി നീക്കിക്കൊണ്ട് ഉണരുകയാണ് ഗൾഫ് രാഷ്ട്രങ്ങൾ. കൊവിഡ് മുന്‍കരുതലിന്‍റെ ഭാഗമായി ഒമാനിൽ ഏർപ്പെടുത്തിയ നിയന്ത്രണങ്ങള്‍ നീക്കിയിരിക്കുകയാണ്. മാത്ര മൽസ്യ മാര്‍ക്കറ്റിലേക്കുള്ള പ്രധാന കവാടങ്ങള്‍ എല്ലാം തന്നെ അടച്ചിരുന്നു. കഴിഞ്ഞ ദിവസം ആണ് കവാടങ്ങള്‍ എല്ലാം തുറന്നത്. കൊവിഡ് വര്‍ധിച്ച സമയത്ത് ഒരു ഭാഗത്ത് കൂടി മാത്രമായിരുന്നു മാര്‍ക്കറ്റിലേക്കുള്ള പ്രവേശനം അനുവദിച്ചിരുന്നത്. എന്നാല്‍ ഇപ്പോള്‍ മാര്‍ക്കറ്റിലേക്കുള്ള എല്ലാ കവാടങ്ങളും തുറക്കുകയും ചെയ്തിരുന്നു.

മാര്‍ക്കറ്റ് വലിയ രീതിയില്‍ പുതുക്കി പണിതിരുന്നു. ഇത് കഴിഞ്ഞ് ഒരു മാസമായപ്പോഴേക്കും കൊവി‍ഡ് കാരണം അടച്ചു. സാധാരണ വ്യാഴം, വെള്ളി, ശനി ദിവസങ്ങളില്‍ മാര്‍ക്കറ്റില്‍ വിലയ തിരക്കാണ്. മലയാളികളും സ്വദേശികളുമാണ് മാര്‍ക്കറ്റിലെ പ്രധാന ഉപഭോക്താക്കള്‍. ഈ ദിവസങ്ങളില്‍ മാര്‍ക്കറ്റില്‍ വലിയ തിരക്കാണ് അനുഭവപ്പെടുന്നത്. ഒമാനിലെ പല പ്രദേശത്ത് നിന്നും നിരവധി പേര്‍ ഇവിടെ മത്സ്യം വാങ്ങിക്കാന്‍ വേണ്ടി എത്താറുണ്ട്. ടൂറിസ്റ്റുകള്‍ വന്നിറങ്ങുന്ന പോര്‍ട്ടിനോട് ചേര്‍ന്നാണ് മാര്‍ക്കറ്റ് സ്ഥിതി ചെയ്യുന്നത്. മത്സ്യത്തിന്‍റെ ചിറകിന്‍റെ ആകൃതിയിലാണ് മാര്‍ക്കറ്റ് നിര്‍മ്മിച്ചിരിക്കുന്നത്. ഇതിന്‍റെ പലിപാലത്തിന് വലിയ പ്രാധാന്യം ആണ് അധികൃതര്‍ നല്‍ക്കുന്നത്.

അതോടൊപ്പം തന്നെ പരമ്പരാഗത മത്സ്യത്തൊഴിലാളികളാണ് ഇവിടത്തെ കച്ചവടക്കാര്‍. സ്വദേശികളെ കൂടാതെ വിദേശികളും ഇവിടെ കച്ചവടം നടത്തുന്നുണ്ട്. ഇവിടെ സ്വദേശിവത്കരണം വന്നതോടെയാണ് വിദേശികള്‍ പോയത്. മത്സ്യം വൃത്തിയാക്കി നല്‍കാന്‍ ആവശ്യമായ സൗകര്യങ്ങള്‍ ഇവിടെ ഒരുക്കിയിട്ടുണ്ട്. ഒമാന്‍ കടലില്‍ നിന്നും പിടിച്ച മത്സ്യങ്ങള്‍ ആണ് പ്രധാനമായും മാര്‍ക്കറ്റില്‍ എത്തുന്നത്. രാത്രി പിടിച്ച മീനുകള്‍ പുലര്‍ച്ചെയാണ് ഈ മാര്‍ക്കറ്റില്‍ എത്തുന്നത്. മലയാളികളുടെ അയലയും മത്തിയുമൊക്കെ രാവിലെ ഇവിടെ വന്നാല്‍ കിട്ടും.

കൂടാതെ രാവിലെ മാര്‍ക്കറ്റില്‍ എത്തിയാല്‍ ബോട്ടില്‍ നിന്നും നേരിട്ട് മത്സ്യം വാങ്ങാനും സാധിക്കുന്നതാണ്. തണുപ്പ് കാലം ആയാല്‍ ധാരാളം മത്സ്യങ്ങള്‍ മാര്‍ക്കറ്റില്‍ എത്തുകയും ചെയ്യും. അയക്കൂറ, ആവോലി ഒക്കെ ധാരാളമായി പലപ്പോഴും മാര്‍ക്കറ്റില്‍ എത്താറുണ്ട്. വലിയ വിലകുറവില്‍ ആണ് ഈ സമയത്ത് മാര്‍ക്കറ്റില്‍ മത്സ്യങ്ങള്‍ വില്‍ക്കുന്നത്.ഇതോടുകൂടി വിപണിയും തിരിച്ചെത്തുകയാണ്.