അംഗീകാരം വന്നതോടെ പറക്കാൻ തയ്യാറായി പ്രവാസികൾ; ഇനിമുതൽ ഇന്ത്യയില്‍ നിന്നുള്ള വാക്‌സിന്‍ സര്‍ട്ടിഫിക്കറ്റിന് 96 രാജ്യങ്ങളുടെ അംഗീകാരമുണ്ടെന്ന് കേന്ദ്ര ആരോഗ്യമന്ത്രാലയം, കൊവിഡ് മൂലമുള്ള യാത്രാ നിയന്ത്രണങ്ങള്‍ മറികടക്കുന്നതിന് ഇന്ത്യ പരസ്പര ധാരണയിലെത്തിയതായി കേന്ദ്ര ആരോഗ്യ മന്ത്രി മന്‍സൂഖ് മാണ്ഡവ്യ
പ്രവാസികളെ ഇവര് കാത്തിരുന്ന വാർത്ത അല്പം വൈകിയാണെങ്കിലും എത്തിയിട്ടുണ്ട്. ഇനിമുതൽ വിമാനത്താവളങ്ങളിൽ നിന്നും പ്രവാസികൾക്ക് തിരികെ മടങ്ങേണ്ടി വരില്ല. ലോകാരോഗ്യ സംഘടന കോവാക്‌സിൻ അംഗീകരിച്ചതിന് പിന്നാലെ ഇന്ത്യയെ കൈനീട്ടി സ്വീകരിക്കുകയാണ്. ഒമാൻ, ബഹ്‌റൈൻ, യുകെ, അമേരിക്ക അങ്ങനെ ഒട്ടനവധി രാഷ്ട്രങ്ങളാണ് കോവാക്‌സിൻ അംഗീകരിച്ചിരിക്കുന്നത്. ഏണിയുംതുടരെ രാഷ്ട്രങ്ങൾ അംഗീകരിക്കും എന്നാണ് പ്രതീക്ഷ. ഇപ്പോഴിതാ മറ്റൊരു വാർത്ത കൂടി എത്തിയിരിക്കുകയാണ്.
ഇനിമുതൽ ഇന്ത്യയില്‍ നിന്നുള്ള വാക്‌സിന്‍ സര്‍ട്ടിഫിക്കറ്റിന് 96 രാജ്യങ്ങളുടെ അംഗീകാരമുണ്ടെന്ന് കേന്ദ്ര ആരോഗ്യമന്ത്രാലയം അറിയിച്ചിരിക്കുകയാണ്. കൊവിഡ് മൂലമുള്ള യാത്രാ നിയന്ത്രണങ്ങള്‍ മറികടക്കുന്നതിന് ഇന്ത്യ പരസ്പര ധാരണയിലെത്തിയതായി കേന്ദ്ര ആരോഗ്യ മന്ത്രി മന്‍സൂഖ് മാണ്ഡവ്യ കഴിഞ്ഞ ദിവസം വാർത്താ സമ്മേളനത്തിൽ അറിയിക്കുകയായിരുന്നു. കൊവിഷീല്‍ഡ് വാക്‌സിനും ലോകാരോഗ്യ സംഘടനയുടെ അംഗീകാരം ലഭിച്ച മറ്റു വാക്‌സിനുകളും എടുത്തവരുടെ സര്‍ട്ടിഫിക്കറ്റുകള്‍ ഈ രാജ്യങ്ങള്‍ അംഗീകരിച്ചതായി കേന്ദ്ര ആരോഗ്യ മന്ത്രാലയം വ്യക്തമാക്കി.
അതോടൊപ്പം തന്നെ ഈ 96 രാജ്യങ്ങളില്‍ നിന്ന് ഇന്ത്യയിലേക്ക് വരുന്നവര്‍ക്ക് നിലവിലുള്ള കൊവിഡ് മാനദണ്ഡങ്ങളില്‍ ഇളവുകള്‍ അനുവദിക്കുന്നതാണ്. കോവിന്‍ പോര്‍ട്ടലില്‍ നിന്ന് ഡൗണ്‍ലോഡ് ചെയ്ത കൊവിഡ് വാക്‌സിനേഷന്‍ സര്‍ട്ടിഫിക്കറ്റ് കൊണ്ട് ഈ രാജ്യങ്ങളിലേക്ക് യാത്ര ചെയ്യാന്‍ സാധിക്കുകയും ചെയ്യും.
കാനഡ, യുഎസ്എ, യുക, ഫ്രാന്‍സ്, ജര്‍മനി, ബെല്‍ജിയം, അയര്‍ലണ്ട്, നെതര്‍ലന്‍ഡ്‌സ്, സ്‌പെയ്ന്‍, ബംഗ്ലാദേശ്, മാലി, ഘാന, സിയേറലിയോണ്‍, അംഗോള, നൈജീരിയ, ബെനിന്‍, ചാഡ്, ഹംഗറി, സെര്‍ബിയ, പോളണ്ട്, സ്ലോവാക്യ, സ്ലോവേനിയ, ക്രൊയേഷ്യ, ബള്‍ഗേറിയ, തുര്‍ക്കി, ഗ്രീസ്, ഫിന്‍ലന്‍ഡ്, എസ്റ്റോണിയ, റൊമാനിയ, മോള്‍ഡോവ, അല്‍ബേനിയ, ചെക്ക് റിപ്പബ്ലിക്, സ്വിറ്റ്‌സര്‍ലന്‍ഡ്, ലിച്ചെന്‍സ്റ്റെയ്ന്‍, സ്വീഡന്‍, ഓസ്ട്രിയ, മോണ്ടെനെഗ്രോ, ഐസ്‌ലന്‍ഡ് എന്നീ രാജ്യങ്ങളും 96 രാജ്യങ്ങളുടെ പട്ടികയില്‍ ഉള്‍പ്പെടുന്നുണ്ട്.
അതേസമയം കൊവിഷീല്‍ഡ്, കൊവാക്‌സിന്‍ തുടങ്ങിയ 96 രാജ്യങ്ങള്‍ അംഗീകരിച്ചിട്ടുണ്ടെന്നും ഈ രാജ്യങ്ങളുടെ പട്ടിക കൊവിന്‍ പോര്‍ട്ടലില്‍ ലഭ്യമാണെന്നും ആരോഗ്യമന്ത്രി മന്‍സൂഖ് മാണ്ഡവ്യ പറഞ്ഞു. കോവാക്‌സിന്‍ സര്‍ട്ടിഫിക്കറ്റ് കൈവശമുള്ളവരെ നവംബര്‍ 22 ന് ശേഷം ക്വാറന്റൈന്‍ ഇല്ലാതെ ബ്രിട്ടനില്‍ പ്രവേശിക്കാന്‍ അനുമതി നല്‍കുകയും ചെയ്യും.
വാക്‌സിൻ സർട്ടിഫിക്കറ്റിലെ അപാകതകൾ മൂലം യാത്രചെയ്യാനാകാതെ തിരിക്കേണ്ട സാഹചര്യങ്ങൾ ഉണ്ടായിട്ടുണ്ട്. ഈയൊരു സാഹചര്യത്തിലാണ് പ്രവാസികൾക്ക് ഏവർക്കും ആശ്വാസമായി ഈ വാർത്ത വരുന്നത് എന്നത് ശ്രദ്ധേയമാകുന്നത്..
https://www.facebook.com/Malayalivartha
