എസ് യു വി കാര് ഓടിച്ച് പത്തുവയസ്സുകാരൻ!! വൈറലായി വീഡിയോ... കുട്ടിയെ കസ്റ്റഡിയിലെടുത്ത് ഗതാഗത വകുപ്പ്, രക്ഷിതാവിനെതിരെയും നടപടി സ്വീകരിക്കുമെന്ന് അധികൃതർ: സംഭവം കുവൈറ്റിൽ
പ്രായപൂർത്തിയാകാത്ത കുട്ടി വാഹനം ഓടിച്ചതിന് കസ്റ്റഡിയിലെടുത്ത് ഗതാഗത വകുപ്പ്. പത്തുവയസ്സുള്ള ആൺകുട്ടിയാണ് വാഹനം ഓടിച്ചത്. വാഹനം ഓടിക്കുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ വൈറലായതോടുകൂടിയാണ് കുട്ടിയെ കസ്റ്റഡിയിലെടുത്തത്. സംഭവം കുവൈറ്റിലാണ് നടന്നത്...
കുട്ടി എസ് യു വി കാര് ഓടിക്കുന്നതിന്റെ വീഡിയോ സാമൂഹിക മാദ്ധ്യമങ്ങളില് പ്രചരിച്ചത്. ഇതിന് പിന്നാലെയാണ് ഗതാഗത വകുപ്പിന്റെ നടപടി. ഗതാഗത വകുപ്പ് നടത്തിയ അന്വേഷണത്തിലാണ് വാഹനം കണ്ടെത്തിയിരിക്കുന്നത്.
ജഹ്റ ഭാഗത്ത് കൂടിയാണ് കുട്ടി വാഹനമോടിച്ചത്. നിയമ നടപടികള്ക്കായി കുട്ടിയെ ബന്ധപ്പെട്ട വകുപ്പിന് കൈമാറിയതായി അധികൃതര് അറിയിച്ചു. കുട്ടിയുടെ രക്ഷിതാവിനെതിരെയും നടപടി സ്വീകരിക്കുമെന്നും അധികൃതര് വ്യക്തമാക്കി.
കുട്ടികള്ക്ക് വാഹനമോടിക്കാന് നല്കരുതെന്ന് ഗതാഗത വകുപ്പ് നിരവധി മുന്നറിയിപ്പുകള് നല്കിയിട്ടുണ്ട്. ലൈസന്സില്ലാതെ കുട്ടികള് വാഹനമോടിക്കുന്നതിനിടെ പിടിയിലായാല് ജുവനൈല് നിയമ പ്രകാരം കേസ് രജിസ്റ്റര് ചെയ്യും. ഇതോടൊപ്പം വാഹന ഉടമയായ രക്ഷിതാവിനെതിരെ പിഴ ഉള്പ്പെടെ നിയമനടപടികളും സ്വീകരിക്കാനും തീരുമാനിച്ചിരിക്കുന്നത്.
https://www.facebook.com/Malayalivartha