അവയവ മാറ്റ ശസ്ത്രക്രിയ, കാന്‍സര്‍ മുതലായവ മൂലം രോഗപ്രതിരോധ ശേഷി സംബന്ധമായ പ്രശ്‌നങ്ങള്‍ അനുഭവപ്പെടുന്ന രാജ്യത്തെ അമ്പത് വയസിന് താഴെ പ്രായമുള്ളവര്‍ക്ക് രണ്ടാം ബൂസ്റ്റര്‍ ഡോസ് നല്‍കുമെന്ന് സൗദി..ആദ്യ ഡോസ് ബൂസ്റ്റര്‍ കുത്തിവെപ്പെടുത്ത് എട്ട് മാസം പൂര്‍ത്തിയാക്കിയ 50 വയസിന് മുകളിലുള്ളവര്‍ക്കാണ് രണ്ടാം ഡോസ് ബൂസ്റ്റര്‍ പ്രഖ്യാപിച്ചരുന്നു...
അമ്പത് വയസിന് താഴെ പ്രായമുള്ളവര്‍ക്ക് കോവിഡ് വാക്‌സിന്റെ രണ്ടാം ബൂസ്റ്റര്‍ ഡോസ് ലഭ്യമാണെന്ന് അറിയിച്ച് സൗദി.അവയവ മാറ്റ ശസ്ത്രക്രിയ, കാന്‍സര്‍ മുതലായവ മൂലം രോഗപ്രതിരോധ ശേഷി സംബന്ധമായ പ്രശ്‌നങ്ങള്‍ അനുഭവപ്പെടുന്ന രാജ്യത്തെ അമ്പത് വയസിന് താഴെ പ്രായമുള്ളവര്‍ക്ക് രണ്ടാം ബൂസ്റ്റര്‍ ഡോസ് നല്‍കുമെന്നാണ് അറിയിപ്പ്.
രോഗപ്രതിരോധ ശേഷി സംബന്ധമായ രോഗങ്ങളുള്ളവര്‍ക്കാണ് വാക്‌സീന്‍ ലഭിക്കുക. സൗദി പ്രിവന്റീവ് ഹെല്‍ത്ത് ഡെപ്യൂട്ടി മിനിസ്റ്റര്‍ ഡോ. അബ്ദുല്ല ബിന്‍ മുഫ്രഹ് അസിരിയെ ഉദ്ധരിച്ച് പ്രാദേശിക മാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്തത്.നേരത്തെ അമ്പത് വയസിന് മുകളില്‍ പ്രായമുള്ളവര്‍ക്ക് കോവിഡ് വാക്‌സിന്റെ രണ്ടാം ബൂസ്റ്റര്‍ ഡോസ് കുത്തിവെപ്പ് ലഭ്യമാണെന്ന് സൗദി ആരോഗ്യ മന്ത്രാലയം അറിയിച്ചിരുന്നു.
2022 ഏപ്രില്‍ 26-ന് ആയിരുന്നു അറിയിപ്പ്. ആദ്യ ഡോസ് ബൂസ്റ്റര്‍ കുത്തിവെപ്പെടുത്ത് എട്ട് മാസം പൂര്‍ത്തിയാക്കിയ 50 വയസിന് മുകളിലുള്ളവര്‍ക്കാണ് രണ്ടാം ഡോസ് ബൂസ്റ്റര്‍ പ്രഖ്യാപിച്ചത്.ജയിലില്‍ കഴിയുന്ന തടവുക്കാര്‍ക്ക് നല്‍ക്കുന്ന പൊതുമാപ്പിനുള്ള വ്യവസ്ഥകള്‍ പ്രഖ്യാപിച്ച് സൗദി. 36 ഇനം കുറ്റകൃത്യങ്ങള്‍ ഒഴികെയുള്ളവയ്ക്ക് പൊതുമാപ്പിന് അര്‍ഹതയുണ്ടാകും.
ഈ പട്ടിക സൗദി ആഭ്യന്തര മന്ത്രാലയം പ്രസിദ്ധീകരിക്കും. കൊലപാതകം, ബലാത്സംഗം, തീവ്രവാദം ഉള്‍പ്പെടെയുള്ള കേസുകളില്‍പെട്ടവര്‍ക്ക് ഇളവുകള്‍ ലഭിക്കില്ല. സൗദി ഭരണാധികാരി സല്‍മാന്‍ രാജാവാണ് പൊതുമാപ്പ് പ്രഖ്യാപിക്കുക.
ബലാത്സംഗം, കൊലപാതകം,ദേശസുരക്ഷയെ ബാധിക്കുന്ന കുറ്റകൃത്യങ്ങള്‍, രാജ്യത്തെ തകര്‍ക്കുന്ന ഭീകര പ്രവര്‍ത്തനം, ഖുര്‍ആനെ അവഹേളിച്ച കേസില്‍ പിടിയിലായവര്‍, മയക്കുമരുന്നിന്റെ ഉപയോഗം തുടങ്ങിയ കുറ്റങ്ങളില്‍ ശിക്ഷിക്കപ്പെട്ടവര്‍ക്ക് പൊതുമാപ്പ് ആനുകൂല്യം ലഭിക്കില്ല.
അതേസമയം പുതിയ പട്ടികയില്‍ ഉള്‍പ്പെടാത്ത കുറ്റകൃത്യങ്ങള്‍ ചെയ്തവര്‍ക്ക് പുറമെ രണ്ട് വര്‍ഷവും അതില്‍ കൂടുതല്‍ കാലം ജയിലില്‍ കഴിഞ്ഞവര്‍ക്കും ഇളവ് ലഭിക്കാന്‍ അര്‍ഹതയുണ്ട്. കൂടാതെ ശിക്ഷയുടെ നാലില്‍ ഒരുഭാഗം പൂര്‍ത്തിയാക്കിയവര്‍ക്കും ഇളവ് ലഭിക്കാം. സൗദിയിലെ ജയിലില്‍ കഴിയുന്ന തടവുകാര്‍ക്ക് വര്‍ഷം തോറും പൊതുമാപ്പ് ആനൂകൂല്യം ലഭിക്കാറുണ്ട്. അതേസമയം മുപ്പത്തൊന്നാമത് ഇന്റര്‍നാഷണല്‍ ബുക്ക് ഫെയറിനെ വരവേല്‍ക്കാനൊരുങ്ങി അബുദാബി.
മെയ് 23 മുതല്‍ അബുദാബി നാഷണല്‍ എക്‌സിബിഷന്‍ സെന്ററില്‍ വെച്ചാണ് ഈ പുസ്തകമേള സംഘടിപ്പിക്കുന്നത്. 80 രാജ്യങ്ങളില്‍ നിന്നായി ആയിരത്തോളം പ്രസാധകര്‍ പങ്കെടുത്തേക്കും. നാനൂറോളം പ്രത്യേക പരിപാടികള്‍ ഈ മേളയുടെ ഭാഗമായി അരങ്ങേറും. ഒരാഴ്ച നീണ്ടുു നില്‍ക്കുന്ന മേളയുടെ ഇത്തവണത്തെ മുഖ്യാതിഥിയായി ജര്‍മനിയെയാണ് തിരഞ്ഞെടുത്തിരിക്കുന്നത്.പ്രത്യേക സംവാദങ്ങള്‍, വര്‍ക്ക്‌ഷോപ്പുകള്‍, കാവ്യസന്ധ്യകള്‍, മറ്റു സാംസ്‌കാരിക പരിപാടികള്‍ മുതലായവ മേളയുടെ ഭാഗമായി സംഘടിപ്പിക്കും.
ആഗോളതലത്തില്‍ ശ്രദ്ധേയരായ സാഹിത്യകാരന്മാര്‍, നോബല്‍ സമ്മാനജേതാക്കള്‍, പണ്ഡിതര്‍ മുതലായവര്‍ പങ്കെടുക്കും. അബുദാബി ഡിപ്പാര്‍ട്‌മെന്റ് ഓഫ് കള്‍ച്ചര്‍ ആന്‍ഡ് ടൂറിസം, അബുദാബി അറബിക് ലാംഗ്വേജ് സെന്റര്‍ എന്നിവര്‍ സംയുക്തമായാണ് മേള സംഘടിപ്പിക്കുന്നത്
https://www.facebook.com/Malayalivartha
