പുതിയ മാര്‍ഗനിര്‍ദേശവുമായി എയര്‍ ഇന്ത്യ രംഗത്ത് എത്തിയിരിക്കുകയാണ്. യുഎയില്‍ നിന്ന് ഇന്ത്യയിലേക്ക് യാത്ര ചെയ്യുന്നവര്‍ക്കാണ് നിര്‍ദേശം നൽകിയിരിക്കുന്നത്. കോവിഡ് പശ്ചാത്തലത്തിൽ യു.എ.ഇയിൽ നിന്ന്​ ഇന്ത്യയിലേക്ക്​ പോകുന്ന യാത്രക്കാർക്ക്​ നിർദേശവുമായി എയർ ഇന്ത്യ എക്സ്​പ്രസ്​. എല്ലാ യാത്രക്കാരും വാക്സിൻ എടുക്കണം. മാസ്ക് ധരിക്കാനും സാമൂഹിക അകലം പാലിക്കാനും ശ്രദ്ദിക്കണമെന്നും നിർദേശം നല്കുകയുണ്ടായി.

അതോടൊപ്പം തന്നെ കോവിഡ്​ ലക്ഷണങ്ങളുണ്ടെങ്കിൽ അടുത്തുള്ള ആരോഗ്യ കേന്ദ്രങ്ങളിലോ ദേശീയ ഹെൽപ്​ ലൈൻ നമ്പറിലോ അറിയിക്കേണ്ടതാണ്. വിമാനത്താവളത്തിൽ റാൻഡം പരിശോധന നടക്കുന്നുമുണ്ട്​. 12 വയസിൽ താഴെയുള്ള കുട്ടികളെ പരിശോധിക്കില്ല. എന്നാൽ, ലക്ഷണങ്ങളുണ്ടെങ്കിൽ കുട്ടികളും പരിശോധനക്ക്​ വിധേയരാകണമെന്നും നിർദേശത്തിൽ ചൂണ്ടിക്കാണിക്കുകയുണ്ടായി.