ഷെയ്ഖ് മുഹമ്മദ് ബിന് റാഷിദ് അല് മക്തൂമിന്റെ നിര്ദേശത്തില് യുഎഇ ജലബജറ്റ് പദ്ധതി ആരംഭിച്ചു
സാമൂഹിക, സാമ്പത്തിക, പാരിസ്ഥിതിക ആവശ്യത്തിനുള്ള ജല ഉപയോഗത്തെ സന്തുലിതമാക്കുക എന്ന ലക്ഷ്യത്തോടെ യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന് റാഷിദ് അല് മക്തൂമിന്റെ നിര്ദേശത്തില് യുഎഇ ജലബജറ്റ് പദ്ധതി ആരംഭിച്ചു. യുഎഇയുടെ ദേശീയ അജന്ഡ 2012-ന്റെ ഭാഗമാക്കിയാണു പദ്ധതി ആരംഭിച്ചതെന്ന് അബുദാബി പരിസ്ഥിതി ഏജന്സി (ഇഎഡി) അറിയിച്ചു. ജല ആവശ്യം, ജലോപയോഗം നിയന്ത്രിക്കല്, മഴ പെയ്യിക്കല്, കടല്വെള്ളം ശുദ്ധീകരിച്ച് ഉപയോഗിക്കല് തുടങ്ങിയവ സംരംഭങ്ങളില് ഉള്പ്പെടും.
ജലവിതരണം ചെയ്യുന്നവര്, വ്യവസായം, കൃഷി, വനം, സര്ക്കാര് സ്ഥാപനങ്ങള്, ഭവനങ്ങള് തുടങ്ങിയവയുടെ മികച്ച ഏകോപനമാണു ജല ബജറ്റ് പദ്ധതിയില് വേണ്ടതെന്നു ഇഎഡി സെക്രട്ടറി ജനറല് റാസന് ഖലീഫ അല് മുബാറക് പറഞ്ഞു. നാഷനല് അജന്ഡ 2021 സംബന്ധിച്ച അവലോകന യോഗത്തിലാണു പദ്ധതി പ്രാബല്യത്തിലാക്കാന് തീരുമാനിച്ചത്. അടുത്ത നാലുവര്ഷം വിവിധ മേഖലകളിലെ ലക്ഷ്യങ്ങള് സംബന്ധിച്ചാണ് അജന്ഡ. ജലസ്രോതസുകളുടെ മികച്ച വിനിയോഗത്തിനായി ഒന്പതു സംരംഭങ്ങള് ഉള്പ്പെടുത്തിയാണു പദ്ധതി ഇഎഡി തയാറാക്കിയതെന്ന് അധികൃതര് അറിയിച്ചു.
https://www.facebook.com/Malayalivartha
