ഡോണള്ഡ് ട്രംപിന്റെ സൗദി സന്ദര്ശനത്തിന് തുടക്കമായി
അമേരിക്കന് പ്രസിഡന്റ് ഡോണള്ഡ് ട്രംപിന്റെ സൗദി സന്ദര്ശനത്തിന് തുടക്കമായി. സൗദിസമയം ശനിയാഴ്ച രാവിലെ 10 മണിയോടെ റിയാദിലെ കിങ് ഖാലിദ് വിമാനത്താവളത്തില് യു.എസ് എയര്ഫോഴ്സ് വിമാനത്തില് വന്നിറങ്ങിയ ട്രംപിനെ സ്വീകരിക്കാന് സൗദി ഭരണാധികാരി സല്മാന് രാജാവും മന്ത്രിമാരും എത്തി.
റോയല് കോര്ട്ട് ആസ്ഥാനത്ത് പ്രൗഢമായ ഔദ്യോഗിക സ്വീകരണച്ചടങ്ങ് നടന്നു. ഉച്ചവിരുന്നിനുശേഷം രാജാവിന്റെ കൊട്ടാരത്തില് ട്രംപുമായി കൂടിക്കാഴ്ച നടത്തി. സൗദി കിരീടാവകാശിയും ആഭ്യന്തര മന്ത്രിയുമായ അമീര് മുഹമ്മദ് ബിന് നായിഫും രണ്ടാം കിരീടാവകാശിയും പ്രതിരോധമന്ത്രിയുമായ അമീര് മുഹമ്മദ് ബിന് സല്മാനും ട്രംപുമായി പ്രത്യേക കൂടിക്കാഴ്ചകള് നടത്തി. വൈകീട്ട് റിയാദിലെ നാഷനല് മ്യൂസിയം സന്ദര്ശിച്ച ട്രംപിന് മുറബ്ബ കൊട്ടാരത്തില് സൗദി രാജകുടുംബാംഗങ്ങള് അത്താഴവിരുന്നൊരുക്കി.
സൗദിഅമേരിക്കന് ഉഭയകകഷി ചര്ച്ചകളുടെ ദിനമായിരുന്നു ശനിയാഴ്ച. നിരവധി വ്യാപാര, വാണിജ്യ, ആയുധ കരാറുകളില് സൗദിയും അമേരിക്കയും ഒപ്പുവെച്ചു. സൗദിയു.എസ് സി.ഇ.ഒ ഫോറവും നടന്നു. അറബ് ഇസ്ലാമിക രാജ്യങ്ങളുടെ സുപ്രധാന ഉച്ചകോടി ഞായറാഴ്ചയാണ്. കിങ് അബ്ദുല് അസീസ് കണ്വെന്ഷന് സന്റെറില് നടക്കുന്ന ഉച്ചകോടിയില് 50ലധികം രാഷ്ട്രങ്ങളുടെ പ്രതിനിധികള് പങ്കെടുക്കും. ഉച്ചകോടിയെ അഭിസംബോധന ചെയ്ത് ട്രംപ് സംസാരിക്കും. തീവ്രവാദത്തിനും ഭീകരവാദത്തിനുമെതിരെ ഒരുമിച്ച് മുന്നേറാം എന്ന പ്രമേയത്തിലാണ് ഉച്ചകോടി. അമേരിക്കയുടെ സഹകരണത്തോടെ പശ്ചിമേഷ്യയിലെ തീവ്രവാദഭീകരവാദ ഭീഷണിയെ ചെറുക്കാനുള്ള ചര്ച്ചകളാണ് ഉച്ചകോടിയിലും അനുബന്ധ പരിപാടികളിലും നടക്കുന്നത്.
അറബ്അമേരിക്കന് ബന്ധം ഊഷ്മളമാക്കുന്നതിനുള്ള വലിയ ചുവടുവെപ്പാണ് സൗദി അറേബ്യയുടെ നേതൃത്വത്തില് നടക്കുന്നത്. പശ്ചിമേഷ്യയില് നാറ്റോ മോഡല് സൈനികസഖ്യത്തിന് ഉച്ചകോടിയില് നിര്ദേശം വെക്കുമെന്ന് സൂചനയുണ്ട്. ഭീകരവാദ ആശയങ്ങള്ക്കെതിരായ പോരാട്ടത്തിനുള്ള ആഗോളകേന്ദ്രത്തിന്റെ ഉദ്ഘാടനം ട്രംപ് നിര്വഹിക്കും. സമാധാനത്തിന്റെയും മിതവാദത്തിന്റെയും സന്ദേശം സമൂഹമാധ്യമങ്ങളില് പ്രചരിപ്പിക്കുന്നതിന്റെ സാധ്യതകള് തേടുന്ന 'ട്വീപ്സ് 2017' സമ്മേളനവും ട്രംപ് ഉദ്ഘാടനം ചെയ്യും.
https://www.facebook.com/Malayalivartha
