ബഹ്‌റൈന്‍ കേരളീയ സമാജം കളിക്കളം ക്യാംപ് ഓഗസ്റ്റ് 18 ന് സമാപിക്കും
കുട്ടികള്‍ക്കായി സംഘടിപ്പിച്ച കേരളീയ സമാജം കളിക്കളം 2017 അവധിക്കാല ക്യാംപ് അഞ്ചുമുതല്‍ പതിനഞ്ച് വരെ പ്രായക്കാരായ കുട്ടികളുടെ സംഗമ വേദിയായി. നാലു സംഘങ്ങളായി തിരിച്ചാണ് ക്യാംപ്. ഓരോ ആഴ്ചയുടെയും അവസാന ദിവസം ഓരോ സംഘവും പരിശീലിച്ചെടുക്കുന്ന കലാവിരുന്ന് വേദിയില്‍ അവതരിപ്പിക്കാം.
ചിത്രരചന ,കരകൗശലം , നാടന്‍പാട്ട് ,നൃത്തം ,ഏകാഭിനയം , മൂകാഭിനയം , സ്‌കിറ്റ് , ലഘുനാടകം , കൊറിയോഗ്രഫി ,സാഹിത്യ രചന , കയ്യെഴുത്തു മാഗസിന്‍ , എന്നിവയില്‍ കുട്ടികളുടെ അഭിരുചിക്കനുസരണമായ കലാപഠനത്തോടൊപ്പം ചിത്രരചന മത്സരം , കായിക മത്സരം , ബാസ്‌കറ്റ് ബോള്‍ എന്നി മത്സരങ്ങളും ഒരുക്കിയിട്ടുണ്ട്.
ജൂലൈ ഒന്നിന് തുടക്കം കുറിച്ച സമ്മര്‍ക്യാംപ് ഓഗസ്റ്റ്18ന് സമാപിക്കും. ആലപ്പുഴ ചിക്കൂസ് കളിയരങ്ങിന്റെ ഡയറക്ടറായ ചിക്കൂസ് ശിവന്‍ ആണ് ക്യാംപ് ഡയറക്ടര്‍. മനോഹരന്‍ പാവറട്ടി കോ ഓര്‍ഡിനേറ്ററും ജയ രവികുമാര്‍ കണ്‍വീനറും രാജി ശിവന്‍, രജിത അനില്‍, നിത ബിറ്റോ , ശ്രീന ശശി , ഉഷ മുരളി , ശുഭ അജയ് , ശ്രീലക്ഷ്മി ശ്രീഹരി , ഗിരിജ മനോഹര്‍ , ഉമ ഉദയന്‍ , ലത മണികണ്ഠന്‍ , രമ്യ ബിനോജ് , വിദ്യ ശ്രീകുമാര്‍ , നിമ്മി റോഷന്‍ അനീസ ഷാഫി , കാര്‍ത്തിക് മേനോന്‍ , ശ്രീഹരി ജി പിള്ള , ജനാര്‍ദനന്‍ നമ്പ്യാര്‍ , റെജി കുരുവിള , വിജയന്‍ കല്ലട , ആന്റണി പെരുമാനൂര്‍ , മുകുന്ദ് പ്രസാദ് എന്നിവര്‍ അംഗങ്ങളുമായ സമിതിയുടെ മേല്‍നോട്ടത്തിലാണ് ക്യാംപ് പ്രവര്‍ത്തനങ്ങള്‍.
https://www.facebook.com/Malayalivartha
