സൗദി സഖ്യം മുന്നോട്ട് വച്ച പ്രസ്താവനകളില്‍ പരസ്പര വൈരുദ്ധ്യങ്ങളായ കാര്യങ്ങള്‍ മാത്രമാണുള്ളതെന്ന് വിദേശകാര്യമന്ത്രി ഷെയ്ഖ് മുഹമ്മദ് ബിന്‍ അബ്ബ്ദുല്‍ റഹ്മാന്‍ അല്‍ താനി.

ഞായറാഴ്ച മനാമയില്‍ ഗള്‍ഫ് പ്രതിസന്ധി ചര്‍ച്ച ചെയ്യാനായി ചേര്‍ന്ന യോഗത്തിനുശേഷം പ്രതികരിക്കുകയായിരുന്നു അദ്ദേഹം . പ്രസ്താവനകളില്‍ വൈരുദ്ധ്യങ്ങള്‍ മാത്രമല്ല വ്യക്തമായ കാഴ്ചപ്പാടും സൗദി സഖ്യത്തിനില്ലെന്നും അദ്ദേഹം അഭിപ്രായപ്പെട്ടു.

സൗദി ,ബഹ്‌റൈന്‍ .ഈജിപ്ത് .യു.എ.ഇ . രാജ്യങ്ങളിലെ വിദേശകാര്യമന്ത്രിമാരാണ് ഞായറാഴ്ച മനാമയില്‍ യോഗം ചേര്‍ന്നത്. നേരത്തെ മുന്നോട്ടുവച്ച പതിമൂന്ന് ഉപാധികളോട് പ്രതികരിച്ചാല്‍ ചര്‍ച്ചയ്ക്കു തയാറാണെന്ന് സൗദി സഖ്യം പ്രഖ്യപിച്ചിരുന്നു .അന്തരാഷ്ട്ര നിയമങ്ങള്‍ പാലിക്കുന്നുണ്ടെന്നാണ് നാല് അറബ് രാജ്യങ്ങളും അവകാശപെടുന്നത് .എന്നാല്‍ അവര്‍ മുന്നോട്ടുവച്ച ഉപാധികള്‍ അന്താരാഷ്ട്ര നിയമങ്ങളുടെ ലംഘനമാണെന്നും അദ്ദേഹം വ്യക്തമാക്കി.

കര്‍ക്കശമായ നയങ്ങളുമായി സൗദി സഖ്യം മുന്നോട്ട് പോവുകയാണെന്നും അന്താരാഷ്ട്ര നിയമങ്ങളെ ബഹുമാനിക്കുനുണ്ടെന്ന്  കാണിക്കുക മാത്രമാണ് അവർ  ചെയ്യുന്നതെന്നും അദ്ദേഹം വ്യക്തമാക്കി