റിയാദ്: പെൺകുട്ടികളുടെ വിവാഹാപ്രായം 18 ആക്കണമെന്ന നിബന്ധന കർക്കശമാക്കണമെന്ന ശുപാർശയുമായി ശൂറാ കൗൺസിൽ രംഗത്തെത്തിയിരിക്കുകയാണ്. 18 നു മുൻപ് വിവാഹം കഴിപ്പിക്കുന്ന പെൺകുട്ടികളുടെ ആരോഗ്യ- മാനസിക നിലയിൽ ഉണ്ടായ മാറ്റങ്ങളെക്കുറിച്ച് പരിശോധിക്കുക എന്നതാണ് പ്രധാന ശുപാർശ. എന്നാൽ നിയമപരമായി 18 നു മുൻപുള്ള വിവാഹങ്ങള്‍ക്ക് രാജ്യത്ത് വിലക്കില്ല. ചെറു പ്രായത്തിലെ പെൺകുട്ടികളുടെ വിവാഹം നടത്തുന്നതിനെ കടുത്ത രീതിയിൽ നിരുത്സാഹപ്പെടുത്താനുള്ള നിർദ്ദേശങ്ങളും ശൂറ മുന്നോട്ട് വെച്ചിട്ടുണ്ട്.

വിവാഹത്തിന് മുന്‍പ് പെണ്‍കുട്ടിയുടെ ആരോഗ്യ നില കുടുംബ കോടതി പരിശോധിക്കണമെന്നതാണ് പ്രധാനമായും ശുപാര്‍ശയില്‍ ആവശ്യപ്പെട്ടത്. അതിനാലാണ് ശൂറ കൗണ്‍സില്‍ ഇത്തരത്തിലൊരു ശുപാര്‍ശ മുന്നോട്ടു വെച്ചിരിക്കുന്നത്. കുടുംബ കോടതിയുടെ മേല്‍നോട്ടത്തില്‍ ഇതിനുള്ള നടപടിയുണ്ടാകണമെന്നും, 16 വയസ്സിന് താഴെയുള്ളവരെ ഒരു കാരണവശാലും വിവാഹം കഴിപ്പിക്കരുതെന്നും യോഗത്തില്‍ ശൂറാ അംഗങ്ങള്‍ ആവശ്യപ്പെട്ടു.