ആന്തരികാവയവങ്ങൾ ശരീരത്തിനുള്ളതിൽ എതിർഭാഗത്തായി വളരുക എന്നത് കേട്ടുകേഴ്‌വി പോലും ഇല്ലാത്ത ഒരു കാര്യമാണ്. എന്നാൽ 10000 ത്തിൽ ഒരാൾക്ക് മാത്രം ഉണ്ടാകുന്ന ഇത്തരത്തിലുള്ള ഒരപൂർവ്വ അസുഗം ബാധിച്ച അസാര്‍ ബെഗന്‍ എന്ന യുവതിയാണ് ഇപ്പോഴത്തെ താരം. ദുർഘടമായ രോഗാവസ്ഥയിൽ ആയിരുന്നെങ്കിൽ പോലും വിജയകരമായ ഒരു ശസ്ത്രക്രിയയിലൂടെ യുവതി ഇതിനെ മറികടക്കുകയായിരുന്നു.

സിറ്റസ് ഇന്‍വേഴ്സ് എന്നാണ് ഈ രോഗാവസ്ഥയുടെ പേര്. ഇത്തരം അവസ്ഥയിലുള്ളവര്‍ രക്ഷപെടുക തന്നെ വളരെ ചുരുക്കമാണ്. അസാറിന്റെ പിത്താശയം വലത് ഭാഗത്തിന് പകരം ഇടത് ഭാഗത്താണ് ഉണ്ടായിരുന്നത്. ഇത് ശസ്ത്രക്രിയയിലൂടെ മാറ്റണമെന്ന് ഡോക്ടര്‍മാര്‍ പറഞ്ഞെങ്കിലും ആശുപത്രികള്‍ തയ്യാറായിരുന്നില്ല. വളരെ ബുദ്ധിമുട്ടുള്ള ഒരു ശസ്ത്രക്രിയയാണിതെന്നാണ് ആശുപത്രി അധികൃതര്‍ യുവതിയെ അറിയിച്ചത്.

ഒടുവില്‍ ഷാര്‍ജയിലെ മെഡ്കെയര്‍ ആശുപത്രി അസാറിനെ ശസ്ത്രക്രിയ ചെയ്യാന്‍ തയ്യാറാവുകയായിരുന്നു. ഒരു കുഴപ്പവുമില്ലാതെ 40മിനിറ്റ് കൊണ്ട് ശസ്ത്രക്രിയ പൂര്‍ത്തിയായി. അടുത്ത ദിവസം തന്നെ വീട്ടിലേക്ക് മടങ്ങിയ യുവതി പെട്ടെന്ന് തന്നെ സാധാരണ ജീവിതത്തിലേക്ക് യാതൊരു കുഴപ്പവുമില്ലാതെ മടങ്ങിയെത്തി.

ഇത്തരത്തിലുള്ള അസുഗം ബാധിക്കുന്നവർ തിരക്കുള്ള ആശുപത്രികളിൽ മാത്രമേ ശസ്ത്രക്രിയയ്ക്ക് സമീപിക്കാവൂവെന്നും ഇത്തരം ആശുപത്രികളില്‍ ജീവനക്കാര്‍ക്ക് എല്ലാം പരിചയമുള്ളതായിരിക്കുമെന്നും ശസ്ത്രക്രിയയ്ക്ക് നേതൃത്വം നാല്കിയ ഡോക്ടർ പറയുകയുണ്ടായി.