സ്വവര്‍ഗ്ഗ വിവാഹത്തെ എതിര്‍ത്ത് വീണ്ടും കത്തോലിക്കാസഭ രംഗത്ത്. ആഗോള കത്തോലിക്കാ സഭയുടെ അസാധാരണ സുന്നഹദോസിന്റേതാണ് തീരുമാനം. യോഗത്തില്‍ ഇരുന്നൂറോളം മെത്രാന്‍മാര്‍ പങ്കെടുത്തു. സ്വവര്‍ഗ്ഗ വിവാഹത്തെ തുറന്ന മനസോടെ സഭ ഉള്‍ക്കൊള്ളണമെന്ന വാദത്തിനാണ് ഇതോടെ തിരിച്ചടിയായിരിക്കുന്നത്. സ്വവര്‍ഗ്ഗ വിവാഹത്തെയും വിവാഹമോചനത്തെയും അവിവാഹിതരുടെ ഒന്നിച്ചു കഴിയലിനെയും ഉള്‍ക്കൊള്ളാന്‍ സഭ തയ്യാറാകണമെന്ന വാദം പ്രമേയമായി അവതരിപ്പിച്ചെങ്കിലും മൂന്നില്‍രണ്ടു ഭൂരിപക്ഷം കിട്ടാതെ പരാജയപ്പെടുകയായിരുന്നു. 62 ന് എതിരെ 118 വോട്ടുകള്‍ക്കാണ് പ്രമേയം പരാജയപ്പെട്ടത്. പുതിയ വാദങ്ങള്‍ക്കെതിരെ യാഥാസ്ഥിതിക മെത്രാന്‍മാര്‍ തിരിഞ്ഞതോടെയാണ് പ്രമേയത്തിന് തിരിച്ചടിയായത്. ഈ വിഷയത്തില്‍ ഫ്രാന്‍സിസ് പാപ്പായുടെ പരാമര്‍ശങ്ങളും തങ്ങള്‍ക്ക് അമുകൂലമെന്ന് സ്വവര്‍ഗ്ഗ പ്രേമികള്‍ പ്രചരിപ്പിച്ചിരുന്നു.
സ്വവര്‍ഗ്ഗാനുരാഗം കത്തോലിക്കാ കുടുംബങ്ങള്‍ നേരിടുന്ന വെല്ലുവിളിയാണെന്നും വിവാഹം സ്ത്രീയും പുരുഷനും തമ്മിലാകണമെന്നുള്ള സഭയുടെ വാദത്തിന് ബലം നല്‍കുന്നതുമാണ് അന്തിമ റിപ്പോര്‍ റിപ്പോര്‍ട്ട്. പരാജയപ്പെട്ട നിര്‍ദ്ദേശങ്ങളും അന്തിമ റിപ്പോര്‍ട്ടില്‍ ഉള്‍പ്പെടുത്തിയിട്ടുണ്ട്. ഈ സുന്നഹദോസില്‍ ഭൂരിപക്ഷം നേടാനാവാത്ത വിഷയങ്ങള്‍ അടുത്ത സുന്നഹദോസില്‍ ചര്‍ച്ചയ്ക്കു വന്നേയ്ക്കുമെന്ന് വത്തിക്കാന്‍ പ്രസ് ഓഫീസ് ഡയറക്ടര്‍ അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha