അമേരിക്കയില്‍ മലയാളി സഹപ്രവര്‍ത്തകയെ വെടിവെച്ച് കൊലപ്പെടുത്തിയ ശേഷം മലയാളി സ്വയം വെടിവെച്ചു മരിച്ചു.
ഹൂസ്റ്റണിലെ മെഡിക്കല്‍ സെന്ററിന് സമീപത്തു വച്ചാണ് സഹപ്രവര്‍ത്തകയായ റീനയെ(42) വെടിവെച്ചു കൊലപ്പെടുത്തിയശേഷം ജോര്‍ജ്ജ് തോമസ് സ്വയം വെടിവെച്ചു മരിച്ചത്.
മുംബൈ കസ്റ്റംസില്‍ നിന്നു വിരമിച്ച ചാത്തന്നൂര്‍ കടലഴികത്ത് കെ ഫിലിപ്പിന്റെ മകളായിരുന്നു റീന. കോട്ടയം ഈരാറ്റുപേട്ട തീക്കോയി വള്ളിക്കാവില്‍ സ്വദേശിയാണ് ജോര്‍ജ്ജ് തോമസ്. ഇവര്‍ രണ്ടു പേരും ഒരേ സ്ഥാപനത്തില്‍ ജോലി ചെയ്യുന്നവരായിരുന്നു. ഇവര്‍ രണ്ടുപേരും സുഹൃത്തുക്കളുമാണ്. അതുകൊണ്ട് തന്നെ എന്തിനാണ് റീനയെ വെടിവെച്ച് കൊന്ന് ജോര്‍ജ്ജ് സ്വയം ആത്മഹത്യയില്‍ അഭയം പ്രാപിച്ചതെന്ന് സഹപ്രവര്‍ത്തകര്‍ക്കും വ്യക്തമായിട്ടില്ല.തൊഴില്‍പരമായ വൈരാഗ്യമാണോ അതോ മറ്റെന്തെങ്കിലുമാണോ എന്നതും വ്യക്തമായിട്ടില്ല. സിസി ടിവി ദൃശ്യങ്ങള്‍ പോലീസ് പരിശോധിച്ച് വരികയാണ്.
ബുധനാഴ്ച ഉച്ചയ്ക്ക് രണ്ടു മണിയോടെ ഹൂസ്റ്റണിലെ ടെക്‌സസ് മെഡിക്കല്‍ സെന്ററിനടുത്തുളള ബെന്‍ ടാബ് ജനറല്‍ ആശുപത്രിയിലാണ് സംഭവം നടന്നത്. റീനയെ കൊലപ്പെടുത്താന്‍ ലക്ഷ്യമിട്ട് തന്നെയാണ് ജോര്‍ജ്ജ് എത്തിയിരുന്നത് എന്നാണ് നിഗമനം. ആശുപത്രിയില്‍ ഫാര്‍മസി ടെകിനീഷനാണ് ജോര്‍ജ്ജ്. ഇവിടെ ഔട്ട് പേഷ്യന്റ് ഫാര്‍മസിയില്‍ ജോലി ചെയ്യുകയായിരുന്നു റീന. 20 വര്‍ഷമായി യുഎസില്‍ ജോലി ചെയ്തു വരികയായിരുന്നു ജോര്‍ജ്ജ്.
മാവേലിക്കര തഴക്കര മംഗലത്തു കൊന്നക്കോട്ട് എബനേസറില്‍ എം ഏബ്രഹാം കോശിയുടെയും ഇരവിപേരൂര്‍ ശങ്കരമംഗലത്ത് തൈപ്പറമ്പില്‍ അക്കമ്മയുടെയും മകന്‍ അജിത്താണ് റീനയുടെ ഭര്‍ത്താവ്. പത്ത് വര്‍ഷമായി ഇദ്ദേഹവും റീനയ്‌ക്കൊപ്പം യുഎസിലുണ്ട്. മുംബൈയില്‍ പശ്ചിമ റെയില്‍വേയില്‍ ഏതാനും വര്‍ഷം പ്രവര്‍ത്തിച്ചശേഷം ഏബ്രഹാം കോശി ഹൂസ്റ്റണില്‍ ആരംഭിച്ച എ.കെ. റിയല്‍റ്റി എന്ന റിയല്‍ എസ്റ്റേറ്റ് സ്ഥാപനത്തിന്റെ ചീഫ് എക്‌സിക്യൂട്ടീവാണ് അജിത്. രണ്ടു മക്കള്‍ അഞ്ജലി, ആന്‍ഡ്രൂ.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha