ലിന്‍ഡബാസി ഇടയ്‌ക്കൊന്നുണര്‍ന്നപ്പോള്‍ തന്റെ രണ്ടുനിലവീടിന് പതിവില്ലാത്തൊരു ചൂട് അനുഭവപ്പെടുന്നു. തന്റെ ഭര്‍ത്താവിനെ വിളിച്ചുണര്‍ത്തി വിവരം പറഞ്ഞു. മുകളിലത്തെ നിലയില്‍ നിന്ന് രണ്ടുമൂന്ന് സ്റ്റെപ്പ് താഴെ ഇറങ്ങിയ അദ്ദേഹം ഞെട്ടി പോയി. അദ്ദേഹം നിലവിളിച്ചുകൊണ്ട് വീടിന് തീപിടിച്ചിരിക്കുന്നതായി വിളിച്ചു പറഞ്ഞു. നാലു കുഞ്ഞുങ്ങളേയും എടുത്തു ലിന്‍ഡയും ഭര്‍ത്താവും വീടിന് പുറത്തിറങ്ങി. രക്ഷപ്പെട്ടതിനു ശേഷം നടത്തിയ അന്വേഷണത്തിലാണ് പുറത്തുളള സര്‍വെയലന്‍സ് ക്യാമറയില്‍ പതിഞ്ഞിരിക്കുന്ന ദൃശ്യങ്ങള്‍ കണ്ടത്.

രാത്രി ഒരു മണിയ്ക്ക് ഒരാള്‍ മുന്‍വശത്തെ ജനലിലൂടെ മൊലൊടോവ് കോക്ക്‌ടെയില്‍ (ഒരു തരം ബോംബ്) എറിയുന്നതായാണ് ക്യമറയിലുളളത്. ഇടം കൈ കൊണ്ടാണ് അയാള്‍ അതെറിയുന്നത്. ആ പ്രദേശത്ത് പൊതുവേ സമാധാന കാംക്ഷികളായ ആളുകളാണ് ഉളളതെങ്കിലും അടുത്തിടെ അവിടെ ധാരാളം മോഷണശ്രമങ്ങള്‍ നടന്നതായി ശ്രദ്ധയില്‍പ്പെട്ടിട്ടുണ്ട്. എങ്കിലും തന്റെ കുടുംബത്തെ നശിപ്പിക്കാന്‍ ലക്ഷ്യമിട്ടയാളുടെ ഉദ്ദേശ്യം നടന്നില്ല. അയാള്‍ക്ക് നശിപ്പിക്കാന്‍ കഴിഞ്ഞതെല്ലാം തങ്ങള്‍ക്ക് വീണ്ടും ഉണ്ടാക്കാന്‍ കഴിയുന്നവയാണ്. തന്റെ ഭര്‍ത്താവും നാലു കുഞ്ഞുങ്ങളും തന്നോടൊപ്പം തന്നെ ഉണ്ടെന്നും ലിന്‍ഡ ആശ്വസിക്കുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha