കഴിഞ്ഞ ക്രിസ്തുമസ് ദിനം മുതല്‍ ജനുവരി 27 വരെ ഏകദേശം ഒരു മാസത്തിനുള്ളില്‍ ഒരു ഫയല്‍ഷെയറിംഗ് സൈറ്റില്‍ ലഭിച്ചത് 1699-ഓളം അസഭ്യചിത്രങ്ങള്‍. ഈ ചിത്രങ്ങളിലെല്ലാം തന്നെ കുട്ടികളും ഉള്‍പ്പെടുന്നുണ്ട്. ഇത്രയും അധികം അസഭ്യചിത്രങ്ങള്‍ ലഭ്യമായപ്പോള്‍ ഗ്രേറ്റര്‍ മാഞ്ചസ്റ്റര്‍ പോലീസ് അതിന്റെ ഐ.പി. അഡ്രസ് അന്വേഷിച്ചു. അന്വേഷണം ഒടുവില്‍ എത്തിയത് റാസാ ലസ്‌കര്‍ എന്ന 32 വയസ്സുകാരനായ ശിശുരോഗ ചികില്‍സകന്റെ വീട്ടിലാണ്. അവിടെ നടത്തിയ പരിശോധനയില്‍ കണ്ടെടുത്ത കമ്പ്യൂട്ടറുകളിലും ഡേറ്റാ സ്റ്റോറേജ് ഉപകരണങ്ങളിലും 1.2 ദശലക്ഷത്തോളം ലൈംഗിക വീഡിയോകളും ചിത്രങ്ങളും സൂക്ഷിക്കപ്പെട്ടതായി കണ്ടെത്തി. ലസ്‌കര്‍ ബുക്ക് ചെയ്ത ഹോട്ടല്‍ മുറിയില്‍ വച്ച് കുട്ടികളെ ലൈംഗികമായി ഉപയോഗിക്കുന്നതിന്റെ വീഡിയോകളും ചാറ്റ് ലോകുകളുമെല്ലാം കണ്ടെടുത്തിട്ടുണ്ട്. യു.കെ-യിലും മറ്റു രാജ്യങ്ങളിലും ഉളള കുട്ടികളെയാണ് കൂടുതലും ഇയാള്‍ ചൂഷണം ചെയ്തതായി കരുതപ്പെടുന്നത്.
കുട്ടികളെ ഉപയോഗിച്ചുളള ലൈംഗികചിത്രനിര്‍മ്മാണം, സഭ്യോതരമല്ലാത്ത ഫോട്ടോയെടുക്കല്‍, ലൈംഗികതയുമായി ബന്ധപ്പെട്ട് പ്രവര്‍ത്തകള്‍ക്ക് കുട്ടികളെ പ്രേരിപ്പിക്കല്‍, മറ്റുളളവരുടെ ലൈംഗിക ചെയ്തികള്‍ രഹസ്യമായി നിരീക്ഷിക്കല്‍ എന്നിങ്ങനെയുളള വിവിധ വകുപ്പുകളില്‍പ്പെടുത്തി 31- കുറ്റങ്ങളാണ് ഇയാള്‍ക്കെതിരേ പോലീസ് ചുമത്തിയിട്ടുണ്ട്.
ഇന്‍ര്‍നെറ്റ് സുരക്ഷയെക്കുറിച്ചുളള ബോധവല്‍ക്കരണം കൂടുതല്‍ വ്യാപകമാക്കണമെന്ന് കേസ് അന്വേഷിക്കുന്ന ഡിറ്റക്ടീവ് ഇന്‍സ്‌പെക്ടര്‍ മാധ്യമങ്ങളോട് പറഞ്ഞു. മാതാപിതാക്കള്‍ കുട്ടികളുമായി തുറന്നു സംസാരിക്കണമെന്നും ഏതുതരത്തിലുളള വെബ്‌സൈറ്റുകളാണ് അവര്‍ സര്‍ഫ് ചെയ്യുന്നതെന്ന് ചോദിച്ചു മനസ്സിലാക്കണമെന്നും അഭിപ്രായപ്പെട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha