വൈല്‍ഡ് ലൈഫ് ആന്റ് ഫിലിം മേക്കിംഗ്-ല്‍ താല്‍പര്യമുളളവര്‍ ഏറെ കാത്തിരിക്കുന്ന ഒന്നാണ് വൈല്‍ഡ് സ്‌ക്രീന്‍ പാണ്ട അവാര്‍ഡുകള്‍ എന്നറിയപ്പെടുന്ന ഗ്രീന്‍ ഓസ്‌കര്‍. ബ്രിസ്റ്റോള്‍ യു.കെ.യില്‍ അടുത്തിടെ നടന്ന അവാര്‍ഡ്ദാനചടങ്ങ് ഇന്ത്യക്കാര്‍ക്ക് അഭിമാനിക്കാവുന്ന ഒന്നായി. കൊല്‍ക്കത്തയില്‍ നിന്നുളള അഷ്വിക കപൂറിനായിരുന്നു ഇത്തവണത്തെ ഗ്രീന്‍ ഓസ്‌കര്‍. 26-കാരിയായ അഷ്വിക, വംശനാശം നേരിട്ടുകൊണ്ടിരിക്കുന്ന അപൂര്‍വ്വഇനം തത്തകളെകുറിച്ചെടുത്ത \'സിറോക്കൊ ഹൗ എ ഡൂഡ് ബിക്കേം എ സ്റ്റഡ്\' എന്ന ഡോക്യുമെന്ററിക്കാണ് അവാര്‍ഡ്.
ന്യൂസിലാന്‍ഡില്‍ കാണപ്പെടുന്ന പറക്കാന്‍ കഴിവില്ലാത്ത തരം തത്തകളാണ് കകപോതത്തകള്‍. വംശനാശം നേരിട്ടുകൊണ്ടിരിക്കുന്ന ഇവ നൂറുവര്‍ഷം വരെ ജീവിച്ചിരിക്കുമത്രേ. മൂങ്ങയുടേയും തത്തയുടെയും സങ്കരലക്ഷണങ്ങളുളള ഇവ രാത്രിയിലാണ് പുറത്തിറങ്ങാറുളളത്. മൂന്ന് കിലോവരെ ഭാരം വയ്ക്കുന്ന ഇവയുടെ വംശത്തിലെ 125 തത്തകള്‍ മാത്രമാണ് ഇപ്പോള്‍ അവശേഷിക്കുന്നത്. ന്യൂസിലാന്‍ഡില്‍ ഇവയ്‌ക്കോരോന്നിനും പേരിട്ടിട്ടുണ്ട്. അവയില്‍ സര്‍ക്കാരുദ്ദ്യോഗമുളള ഒരേയൊരു തത്തയേ ഉളളു, ഗിറോക്ക. 2010-ല്‍ ഇവയ്ക്ക് വംശനാശം സംഭവിയ്ക്കാതെ നിലനിര്‍ത്തേണ്ടതിന്റെ പ്രാധാന്യത്തെക്കുറിച്ചു സംസാരിക്കാനുളള ഔദ്ദ്യോഗിക വക്താവ് ആയി ന്യൂസിലാന്‍ഡ് പ്രധാനമന്ത്രി ജോണ്‍കേ, സിറോക്കോ-യെ തെരഞ്ഞെടുത്തതോടെയാണ് അത് വി.ഐ.പി.ആയത്. വിമാനയാത്രകളില്‍ സിറോക്കോ-യ്ക്കായി ഒരു സീറ്റ് റിസേര്‍വ് ചെയ്തിടുമത്രേ.
ഈ ഡോക്യുമെന്ററി നിര്‍മ്മിച്ചത് അക്ഷരാര്‍ത്ഥത്തില്‍ ഒറ്റയ്ക്കായിരുന്നുവെന്നാണ് അഷ്‌വിക പറയുന്നത്. ഈ തത്തകളെകുറിച്ചുളള വിവരശേഖരണം, സ്‌ക്രിപ്‌റ്റെഴുതിയത്, ക്യാമറാവര്‍ക്ക്, എഡിറ്റിംഗ് മ്യൂസിക്ക് എല്ലാംതന്നെ അഷ്‌വിക തന്നെ ചെയ്യുകയായിരുന്നു വത്രേ. ഈ അവാര്‍ഡു നേടുന്ന ആദ്യത്തെ ഇന്ത്യന്‍ വനിതയാണ് അഷ്‌വിക. ഇതിനുമുമ്പ് മൈക്ക പാണ്‌ഡേ ബേദി സഹോദരന്‍മാര്‍ ഡസ്റ്റിഫുട്ട് പ്രൊഡക്ഷന്‍ എന്നിവര്‍ക്കാണ് ഇന്ത്യയില്‍ നിന്നും ഗ്രീന്‍ ഓസ്‌കാര്‍ ലഭിച്ചിട്ടുളളത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha