വാഗാ അതിര്‍ത്തിയിലുണ്ടായ ചാവേര്‍ സ്‌ഫോടനത്തില്‍ കുട്ടുകളും സുരക്ഷാ ഉദ്യോഗസ്ഥരുമടക്കം 54 പേര്‍ മരിച്ചു.200 പേര്‍ക്കു പരുക്കേറ്റു. ഇന്ത്യപാക് വാഗാ അതിര്‍ത്തിയില്‍ പതാക താഴ്ത്തല്‍ ചടങ്ങു കാണാനെത്തിയവരാണ് മരിച്ചവരിലധികവും. ചടങ്ങ് കഴിഞ്ഞു മിനുട്ടുകള്‍ക്കുള്ളിലാണ് പാകിസ്താന്‍ മേഖലയില്‍ സ്‌ഫോടനമുണ്ടായത്.അതിര്‍ത്തിയിലെ പാര്‍ക്കിംഗ് സ്ഥലത്താണു സ്‌ഫോടനമുണ്ടായത്. സംഭവത്തിനു പിന്നാലെ ബി.എസ്.എഫ്. ജാഗ്രതാ നിര്‍ദേശം നല്‍കി. അല്‍ക്വയ്ദ ബന്ധമുള്ള ജാന്‍ദുള്ള സ്‌ഫോടനത്തിന്റെ ഉത്തരവാദിത്വം ഏറ്റെടുത്തതായി റിപ്പോര്‍ട്ടുണ്ട്. സിലിണ്ടര്‍ സ്‌ഫോടനമെന്നായിരുന്നു നേരത്തേ കരുതിയിരുന്നതെങ്കിലും 19 കാരനായ ചാവേറാണു പൊട്ടിത്തെറിച്ചതെന്നാണ് സൂചന.
പതാകതാഴ്ത്തല്‍ ചടങ്ങ് അവസാനിച്ചശേഷം ആളുകള്‍ പിരിഞ്ഞു പോകുന്നതിനിടെയാണ് ചാവേര്‍ പൊട്ടിത്തെറിച്ചതെന്നു പഞ്ചാബ് പോലീസ് ഓഫീസര്‍ പറഞ്ഞു. രക്ഷാപ്രവര്‍ത്തകരും സുരക്ഷാ സൈന്യവും സ്ഥലത്തു കുതിച്ചെത്തി പരുക്കേറ്റവരെ ആശുപത്രിയിലേക്കു മാറ്റി.
അതിര്‍ത്തിയിലെ ചടങ്ങിനെത്തുന്നവരെ പരിശോധനയ്ക്കു വിധേയമാക്കാറുണ്ടെങ്കിലും ചാവേറുകളെ കണ്ടെത്താന്‍ ബുദ്ധിമുട്ടാണെന്നാണ് പോലീസ് പറയുന്നു.സംഭവത്തെക്കുറിച്ചു വിശദമായ റിപ്പോര്‍ട്ട് നല്‍കണമെന്നു പാക് പ്രധാനമന്ത്രി നവാസ് ഷെരീഫ് ഉത്തരവിട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha