ഐസിസ് തീവ്രവാദികള് പാകിസ്ഥാനില് വേരുറപ്പിക്കുന്നതായി റിപ്പോര്ട്ട്
ആണവസാങ്കേതിക വിദ്യ സ്വന്തമായുളള പാകിസ്ഥാനില് ഐസിസ് പിടിമുറുക്കുന്നതായി റിപ്പോര്ട്ട്.
ഇറാഖിലും,സിറിയയിലും ശക്തമായ വേരോട്ടമുളള ഐസിസ് തെക്കേയേഷ്യയില് പാകിസ്ഥാനെ നോട്ടമിടുന്നതായി ചാരസംഘടനയായ ഐ എസ് ഐ ഇതു സംബന്ധിച്ച് ഗൗരവമേറിയ റിപ്പോര്ട്ട് പാക്സര്ക്കാരിന് കൈമാറിയതായി ഒരു പ്രമുഖ മാധ്യമം റിപ്പോര്ട്ട് ചെയ്തിരുന്നു.
വിഘടനപ്രവര്ത്തനങ്ങളാല് സംഘര്ഷഭരിതമായ ബലൂചിസ്ഥാനിലാണ് വേരോട്ടം ശക്തമാക്കാന് ഐസിസ് ശ്രമിക്കുന്നത്. ഇസ്ലാമിക് സ്റ്റേറ്റ് തീവ്രവാദികളുടേതെന്ന് അവകാശപ്പെടാവുന്ന നിരവധി തെളിവുകള് ഇവിടത്തെ പ്രദേശിക ഭരണകൂടം കണ്ടെത്തിയിരുന്നു. ഒക്ടോബര് 31ന് ഇതു സംബന്ധിച്ച അതീവ രഹസ്യ റിപ്പോര്ട്ട് സര്ക്കാരിന് കൈമാറിയിരുന്നു. ഏകദേശം 10000 മുതല് 20000 വരെ ചെറുപ്പക്കാരെ ഭീകരപ്രവര്ത്തനങ്ങള്ക്കായി റിക്രൂട്ട് ചെയ്തതായുളള ഞെട്ടിപ്പിക്കുന്ന വിവരമാണ് ഈ രഹസ്യ റിപ്പോര്ട്ടിലുളളത്.
പാകിസ്ഥാനിലെ ഖൈബര് മേഖലയിലേയും, താലിബാന് സാന്നിദ്ധ്യമുളള വടക്കന് വസീരിസ്ഥാനിലേയും സൈനിക കേന്ദ്രങ്ങളെ ഐസ് ഭീകരര് ലക്ഷ്യം വയ്ക്കുന്നത്. ഐസിസ് പിടിമുറുക്കുന്നത് അയല് രാജ്യമായ ഇന്ത്യയ്ക്കും ഭീഷണിയാവും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha