67 പി വാല്‍നക്ഷത്രത്തില്‍ ഇറങ്ങിയ റെബോട്ട് ഫിലേ നിദ്രാവസ്ഥയില്‍ പ്രവേശിച്ചു. ഇന്ത്യന്‍സമയം ശനിയാഴ്ച രാവിലെ 6.06നാണ് പേടകം കണ്ണച്ചടത്. കിഴുക്കാം തൂക്കായ പാറയുടെ ചെരിവിലിറങ്ങിയതിനാല്‍ സൗരോര്‍ജ പാനലുകള്‍ക്ക് ആവശ്യമായ സൂര്യപ്രകാശം ലഭിച്ചില്ല. ഇതോടെ തുടര്‍ പ്രവര്‍ത്തനങ്ങള്‍ക്കുള്ള ഊര്‍ജം ലഭിച്ചില്ല. എന്നാല്‍ ഫിലേയുടെ മാതൃപേടകം റോസെറ്റ ദൗത്യം തുടരും.പത്തുവര്‍ഷം നീണ്ട യാത്രക്ക് ശേഷമാണ് വാല്‍ നക്ഷത്രത്തിന്റെ ഭ്രമണ പഥത്തില്‍ റൊസെറ്റ എത്തിയത്.
 വാല്‍നക്ഷത്രത്തിലിറങ്ങിയ ഫിലേ പേടകം ബാറ്ററി തീര്‍ന്ന് പ്രവര്‍ത്തനം നിലയ്ക്കുംമുമ്പ് പരീക്ഷണവിവരങ്ങള്‍ ഭൂമിയിലേക്കയച്ചു. വാല്‍നക്ഷത്രംതുളച്ചുള്ള പരിശോധനയുടെ വിവരങ്ങള്‍ പേടകം അയയ്ക്കുമെന്നാണ് പ്രതീക്ഷിച്ചിരുന്നത്. പ്രതികൂലസാഹചര്യങ്ങളിലും അസാധാരണമികവോടെയാണ് ഫിലേ പ്രവര്‍ത്തിച്ചതെന്ന്, പേടകം വിക്ഷേപിച്ച യൂറോപ്യന്‍ സ്‌പേസ് ഏജന്‍സിയുടെ(ഇസ) വക്താക്കള്‍ അറിയിച്ചു.
2015 ആഗസ്തില്‍ ഫിലേ വീണ്ടും കണ്‍തുറക്കുമെന്നാണ് ശാസ്ത്രലോകത്തിന്റെ പ്രതീക്ഷ. അന്ന് 67 പി സൂര്യനോട് ഏറ്റവും അടുത്തെത്തും. ആ സമയം ഫിലേയുടെ ബാറ്ററികള്‍ സൂര്യപ്രകാശം സ്വീകരിച്ച് പ്രവര്‍ത്തനസജ്ജമാവുന്നത് കാത്തിരിക്കുകയാണ് ശാസ്ത്രജ്ഞര്‍. 2014 ആഗസ്ത് ആറ് മുതല്‍ 67 പി വാല്‍നക്ഷത്രത്തെ ചുറ്റുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha