ഇപ്പോള്‍ ലോകത്തിന്റെ പലസ്ഥലങ്ങളിലും സെക്‌സ് ഡോള്‍സിന് പ്രചാരണമേറുകയാണ്. യുകെയില്‍ ചൈല്‍ഡ് സെക്‌സ് ഡോള്‍ വില്‍പ്പന പോലും നിയമാനുസൃതമാണ്. 3 മുതല്‍ 9 വയസുവരെ പ്രായം തോന്നുന്ന പെണ്‍കുട്ടികളുടെ രൂപത്തിലാണ് സെക്‌സ് ഡോള്‍സ് എന്ന് വിളിക്കപ്പെടുന്ന മനുഷ്യരൂപമുള്ള പാവകള്‍ ലഭിക്കുന്നത്. ഓണ്‍ലൈനിലൂടെയാണ് പാവകള്‍ വിറ്റഴിക്കപ്പെടുന്നത്. കഴിഞ്ഞ കുറെ നാളുകളായി ഓണ്‍ലൈനില്‍ ഇത്തരത്തില്‍ ചെറിയ കുട്ടികളുടെ രൂപത്തിലുള്ള പാവകള്‍ ലഭ്യമാണ് .

മൂന്ന് വയസുമുതല്‍ ഒന്‍പത് വയസുവരെ പ്രായത്തിലുളള കുട്ടികളുടെ ശരീരഘടനയിലും ഉയരത്തിലുമുളള സെക്‌സ് ഡോളുകളാണ് യുകെയില്‍ കൂടുതലും വില്‍ക്കപ്പെടുന്നത്. പെഡോഫീലിയ ബാധിച്ച ആളുകളില്‍ നിന്നും അകറ്റി, കുട്ടികള്‍ക്കുനേരെയുളള ലൈംഗികാതിക്രമങ്ങള്‍ തടയുകയെന്ന ലക്ഷ്യത്തോടെയാണ് ചൈല്‍ഡ് സെക്‌സ് ഡോളുകള്‍ യുകെ വിപണിയിലെത്തിച്ചത്. എന്നാല്‍ ഫലം വിപരീതമായിരുന്നു താനും.
ഏറ്റവും ഒടുവില്‍ ഞെട്ടിക്കുന്ന വെളിപ്പെടുത്തലും യുകെയില്‍ നിന്നാണ്.

സെക്‌സ് ഡോള്‍ കമ്പനിയിലെ ഒരു ജീവനക്കാരിയുടെ വെളിപ്പെടുത്തല്‍:

സമൂഹമാധ്യമങ്ങളില്‍ യുവതികള്‍ പോസ്റ്റ് ചെയ്യുന്ന ചിത്രങ്ങള്‍ ഉപയോഗിച്ച് ആവശ്യക്കാര്‍ക്ക് ലൈംഗിക പാവകള്‍ ഉണ്ടാക്കി കൊടുക്കുകയാണ് കമ്പനി ചെയ്യുന്നതെന്ന് യുവതി പറയുന്നു. പാവകള്‍ ആവശ്യപ്പെട്ടു വരുന്നവരുടെ താത്പര്യവും അത് തന്നെയാണ്. സ്വപ്ന സുന്ദരികളുടെയും പരിചയത്തിലെ സ്ത്രീകളുടെയും മുഖമാണ് പാവകള്‍ക്ക് വേണ്ടതെന്ന് വാശിപ്പിടിക്കുന്നവരുണ്ടെന്ന് യുവതി പറയുന്നു.

ചൈനയിലെ ഫാക്ടറിയിലാണ് പാവകള്‍ ഒരുങ്ങുന്നത്. പാവകളുടെ മുഖം ശരീര ഭാഗങ്ങള്‍ ആകൃതി നീളം നിറം വണ്ണം തുടങ്ങിയ ഉപഭോക്താവിന് നിശ്ചയിക്കാം. ഉപഭോക്താക്കള്‍ അയച്ചു തരുന്ന പല ചിത്രങ്ങളും ജീവിച്ചിരിക്കുന്നവരുടെയും പരിചയക്കാരുടെതും ആയിരിക്കും. പല ചിത്രങ്ങളും സമൂഹമാധ്യമങ്ങളിലെ സ്ത്രീകളുടെതുമാകും.

ചിലര്‍ അടുപ്പമുളള സ്ത്രീകളുടെ സമ്മതപത്രവുമായി വരാറുണ്ട്. സെലിബ്രിറ്റികള്‍, മരിച്ചു പോയ ഭാര്യയുടെയോ കാമുകിയുടെയോ രൂപത്തിലൂളള പാവകള്‍ ആവശ്യപ്പെട്ടു വരുന്നവരും കുറവല്ലെന്നും യുവതി പറയുന്നു. പലപ്പോഴും ഉപയോക്താക്കള്‍ അയച്ചുതരുന്ന ചിത്രത്തിലേത് പോലെ തന്നെ പാവകളെ രൂപപ്പെടുത്തിയെടുക്കാന്‍ കമ്പനി ശ്രമിക്കാറുണ്ടെന്ന് യുവതി പറയുന്നു. 38 ലക്ഷമാണ് ഒരു പാവയുടെ വില.