പ്രധാന സ്വകാര്യ എയർ ലൈനുകളിൽ ഒന്നായ ജെറ്റ് എയർ വേയ്സ് 14 സർവീസുകൾ റദ്ധാക്കി. ശമ്പളം കിട്ടാത്തതിനെ തുടർന്ന് പൈലറ്റുമാർ സമരം ചെയ്തതിനെ തുടർന്നാണ് ജെറ്റ് എയർവെയ്സ് 14 സർവീസുകൾ റദ്ദാക്കിയത് . കുറച്ച് മാസങ്ങളായി നഷ്ടത്തില്‍ പ്രവര്‍ത്തിക്കുന്ന ജെറ്റ് എയര്‍ലൈന്‍സില്‍ ശമ്പളം വൈകുന്നതിനെ ചൊല്ലി മാനേജ്‌മെന്റിനും പൈലറ്റുമാർക്കുമിടയിൽ അസ്വസ്ഥത പുകയുകയാണ്. ശമ്പളം കിട്ടാന്‍ വൈകുന്നതിനാൽ ഏതാനും പൈലറ്റുമാര്‍ അപ്രതീക്ഷിതമായി കഴിഞ്ഞ ദിവസം സിക്ക് ലീവില്‍ പ്രവേശിക്കുകയായിരുന്നു.

പൈലറ്റുമാർക്ക് സെപ്തംബറിലെ ശമ്പളം ഭാഗികമായി നല്‍കിപ്പോള്‍ ഒക്‌ടോബറിലേയും നവംബറിലേയും ശമ്പളം ഇതുവരെ നല്‍കിയിട്ടില്ല . ശമ്പളം വൈകുന്നതിലും മാനേജ്‌മെന്റുമായി വിഷയം പരിഹരിക്കുന്നതിൽ നാഷണൽ എവിയേറ്റേഴ്‌സ് ഗില്‍ഡ് നിസംഗ്ഗത തുടരുന്നതിലും പൈലറ്റുമാര്‍ പ്രതിഷേധത്തിലായിരുന്നു. ജെറ്റ് എയര്‍വേസിലെ ആഭ്യന്തര സര്‍വീസ് മേഖലയില്‍ പ്രവര്‍ത്തിക്കുന്ന പൈലറ്റുമാരുടെ സംഘടനയാണ് നാഷണല്‍ ഏവിയേറ്റേഴ്‌സ് ഗില്‍ഡ്.

1000 ഓളം പൈലറ്റുമാര്‍ ഇതില്‍ അംഗങ്ങളാണ്. 14 പൈലറ്റുമാര്‍ അവധിയില്‍ പ്രവേശിച്ചതോടെയാണ് സര്‍വീസുകര്‍ റദ്ദാക്കിയത് . അപ്രതീക്ഷിതമായ സാഹചര്യത്തെ തുടര്‍ന്നാണ് സര്‍വീസുകള്‍ റദ്ദാക്കിയതെന്നും പൈലറ്റുമാരുടെ നിസ്സഹകരണമല്ല പ്രശ്‌നമെന്നും ജെറ്റ് എയര്‍വേസ് പറയുന്നുണ്ടെങ്കിലും റദ്ദാക്കിയ വിമാനങ്ങളുടെ എണ്ണം കമ്പനി ഇതുവരെ വ്യക്തമാക്കിയിട്ടില്ല.