അമ്മയുടെ പെന്‍ഷന്‍ തുക നഷ്ടമാകാതിരിക്കാന്‍ മൃതദേഹം മകന്‍ ഒളിപ്പിച്ചത് ഒരുവര്‍ഷത്തോളം
14 DECEMBER 2018 08:25 AM IST
മലയാളി വാര്‍ത്ത
അമ്മയുടെ പെന്‍ഷന്‍ തുക നഷ്ടപ്പെട്ടു പോകാതിരിക്കാനായി മൃതദേഹം ഫ്‌ളാറ്റിനുള്ളില്‍ സൂക്ഷിച്ച് മകന്‍. സ്‌പെയിനിലെ മാഡ്രിഡ് നഗരത്തിലെ ഫ്‌ളാറ്റിനുള്ളിലാണ് 92 വയസുകാരിയുടെ മൃതദേഹം ഒരു വര്‍ഷമായി സൂക്ഷിച്ചത്. അമ്മ മരിച്ചവിവരം പുറത്തറിഞ്ഞാല്‍ പെന്‍ഷനും അവസാനിക്കും. ഇത് കാരണമാണ് അമ്മയുടെ മൃതദേഹം വീടിനുള്ളില്‍ തന്നെ സൂക്ഷിക്കാന്‍ മകന്‍ തീരുമാനിച്ചത്.
കഴിഞ്ഞ ദിവസങ്ങളില്‍ ഫ്‌ളാറ്റില്‍നിന്ന് രൂക്ഷഗന്ധം പുറത്തേക്കു വന്നതോടെ സമീപവാസികള്‍ പോലീസിനെ വിവരം അറിയിക്കുകയായിരുന്നു. സംഭവത്തില്‍ 62 വയസുകാരനായ മകനെ അറസ്റ്റ് ചെയ്തതായി പോലീസ് അറിയിച്ചു. ഏതാനും മാസങ്ങളോ, ഒരുപക്ഷേ ഒരു വര്‍ഷത്തോളമോ ആയിക്കാണും വൃദ്ധ മരിച്ചിട്ടെന്നും പോലീസ് കൂട്ടിച്ചേര്‍ത്തു.
"
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
