ജപ്പാന്റെ മദ്ധ്യഭാഗത്തും തെക്കുപടിഞ്ഞാറന്‍ ചൈനയിലുമായി ഉണ്ടായ കനത്ത ഭൂകമ്പത്തില്‍ ഒരാള്‍ മരിച്ചതായും 90 ലധികം പേര്‍ക്ക് പരിക്കേറ്റതായും റിപ്പോര്‍ട്ട്. ജപ്പാനില്‍ ഒമ്പതുപേര്‍ക്കു ഗുരുതരമായി പരിക്കേറ്റു. അനേകം വീടുകളും തകര്‍ന്നു. ചൈനയില്‍ ആറു പേര്‍ക്ക് ഗുരുതരമായി പരിക്കേറ്റിട്ടുണ്ട്.
ജപ്പാനില്‍ 6.7 തീവ്രത രേഖപ്പെടുത്തിയ ഭൂകമ്പമാണ് ഉണ്ടായത്. പ്രശസ്തമായ സ്‌കൈ റിസോര്‍ട്ടിലെ വീടുകളാണ് തകര്‍ന്നത്. ജാപ്പനീസ് സമയം ശനിയാഴ്ച രാത്രിയോടെയായിരുന്നു ഭൂകമ്പം. 39 പേര്‍ക്ക് പരിക്കേറ്റതായും ഉയര്‍ന്ന പ്രദേശങ്ങളില്‍ അനേകം നാശനഷ്ടം ഉണ്ടായതായും ജാപ്പനീസ് വൃത്തങ്ങള്‍ സ്ഥിരീകരിച്ചിട്ടുണ്ട്.
പല വീടുകളുടെയും മേല്‍ക്കൂരകള്‍ തകര്‍ന്നു വീണു. വീടുകളില്‍ 30 ലധികം പേര്‍ കുടുങ്ങിയതായും ഇവരെ രക്ഷപ്പെടുത്തിയതായും വിവരമുണ്ട്. വരും ദിനങ്ങളില്‍ കൂടുതല്‍ തുടര്‍ ഭൂകമ്പങ്ങള്‍ ഉണ്ടാകുമെന്ന് അധികൃതര്‍ ജനങ്ങള്‍ക്ക് മുന്നറിയിപ്പ് നല്‍കിയിട്ടുണ്ട്.
അതേസമയം ആണവ നിലയത്തിന് കേടുപാടുകള്‍ റിപ്പോര്‍ട്ട് ചെയ്തിട്ടില്ല. ചൈന യിലെ സിചുവാന്‍ പ്രവിശ്യയില്‍ രാവിലെ 4.55നാണ് ഭൂകമ്പം അനുഭവപ്പെട്ടത്. 6.3 ആയിരുന്നു തീവ്രത. ഒരാള്‍ മരിക്കുകയും 54 പേര്‍ക്ക് പരിക്കേല്‍ക്കുകയും ചെയ്തു. തഗോങ് ടൗണാണ് പ്രഭവകേന്ദ്രമെന്ന് ചൈനീസ് ഭൂകമ്പ നെറ്റ് വര്‍ക്ക് സെന്റര്‍ അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha