കനേഡിയന് പൗരത്വം നേടുന്നവര്ക്ക് കൂടുതല് മെച്ചപ്പെട്ട അവസരങ്ങള്; കുടിയേറുന്നവർക്കായുള്ള മുന്കൂര് സേവനങ്ങള്ക്കായി 113 ദശലക്ഷം ഡോളര് ചെലവഴിക്കാനൊരുങ്ങി ജസ്റ്റിന് ട്രൂഡോ സര്ക്കാര്
കാനഡയിലേയ്ക്ക് കുടിയേറുന്നവർക്കുള്ള മുന്കൂര് സേവനങ്ങള്ക്കായി 113 ദശലക്ഷം ഡോളര് ചെലവഴിക്കാനൊരുങ്ങി ജസ്റ്റിന് ട്രൂഡോ സര്ക്കാര് രംഗത്തെത്തിയിരിക്കുകയാണ്. പദ്ധതികളുടെ ഭാഗമായി സക്സസ് പരിപാടിക്ക് 22.4 ദശലക്ഷം ഡോളര് ലഭ്യമാക്കുമെന്ന് ഇമിഗ്രേഷന് മന്ത്രി അഹമ്മദ് ഹുസ്സെന് അറിയിച്ചു.
വാന്കൂവറില് സ്ക്സസ് ഇമിഗ്രേഷന് സെറ്റില്മെന്റ് ആന്റ് ഇന്റഗ്രേഷന് പരിപാടിയുടെ ഓഫീസില് വെച്ചായിരുന്നു മന്ത്രിയുടെ പ്രഖ്യാപനം. വാന്കൂവര് അധിഷ്ഠിതമായ പരിപാടി രാജ്യമെമ്പാടുമായി കുടിയേറ്റക്കാര്തക്കായി ഏര്പ്പെടുത്തുന്ന നാല് പരിപാടികളില് ഒന്നാണ്.
വിവരങ്ങള് നല്കല്, രാജ്യവ്യാപകമായി സാമ്പത്തിക പുരോഗതി ആര്ജ്ജിക്കുന്നതരത്തിലുള്ള കുടുംബ-പരിഷ്ക്കരണം, തുടങ്ങിയവയും ഇതില് പെടുന്നു. കുടിയേറ്റക്കാര്ക്കും സേവനങ്ങള് നല്കുന്ന 16 ഓളം സേവന ദാതാക്കള്ക്കാണ് 113 ദശലക്ഷം ഡോളര് നല്കുന്നത്. ഇവരില് ഭൂരിപക്ഷം പേരും പ്രദേശികമായി സേവനം നല്കുന്നവരാണ്.
20 വര്ഷമായി കുടിയേറ്റക്കാര്ക്ക് കുടിയേറ്റ പൂര്വ സേവനങ്ങള് നല്കി വരുന്ന രാജ്യമാണ് കാനഡ. ഉപയോക്താക്കള് ബന്ധപ്പെടുന്ന വിവര -സേവന ദാതാക്കളിലേക്കാണ് ഈ തുക പോകുന്നത്. പ്രദേശികമായും പൊതുമേഖലയിലും തൊഴിലവസരങ്ങള് നല്കുന്നതിന് കുടിയേറ്റക്കാരായ തൊഴില് ദാതാക്കള്ക്ക് ആവശ്യമായ അനുമതികളും ലൈസന്സുകളും സംഘപ്പിപ്പിച്ച് നല്കുന്നതും അവര്ക്കാവശ്യമുള്ള വിവരങ്ങള് കൈമാറുന്നതും പ്രദേശിക സേവന ദാതാക്കളാണ്. ഈ സേവന ദാതാക്കള് തന്നെയാണ് സംരംഭകരെയും സര്ക്കാരിനെയും പ്രാദേശിക ഭരണ കൂടങ്ങളെയും തമ്മില് ബന്ധിപ്പിക്കുന്നതും.സര്ക്കാരിന്റെ 2018 ലെ കുടിയേറ്റ പുനരധിവാസ പദ്ധതിയുടെ ഭാഗമായാണ് കൈമാറുന്നതെന്നും ഇമിഗ്രേഷന് മന്ത്രിയുടെ ഓഫീസ് സ്ഥിരീകരിച്ചു.
https://www.facebook.com/Malayalivartha