ടെലിവിഷന്‍ പരിപാടിയില്‍ പ്രവാചകനിന്ദ നടത്തിയെന്ന് ആരോപിച്ച് ബോളിവുഡ് നടിയും പാകിസ്ഥാന്‍കാരിയുമായ വീണാമാലിക്കിനും ജിയോ ടി വി ഉടമയായ ഭര്‍ത്താവിനും 26 വര്‍ഷം തടവുശിക്ഷ. ഭീകരവിരുദ്ധ കോടതിയാണ് ശിക്ഷ നല്‍കിയത്.
കഴിഞ്ഞ മെയില്‍ ജിയോ ടെലിവിഷന്റെ ഒരു പരിപാടിയുമായി ബന്ധപ്പെട്ടാണ് വീണാ മാലിക്കിനും ഭര്‍ത്താവ് ആസാദ് ബഷീര്‍ഖാന്‍ ഘട്ടക്കിനും ശിക്ഷ ലഭിച്ചത്. ടെലിവിഷനില്‍ ഒരു പരിപാടിക്കിടെ കല്യാണം അവതരിപ്പിക്കുന്നിടെ മതഗാനം ഉപയോഗിച്ചെന്നാണ് ആരോപണം. ഇവര്‍ ഇരുവര്‍ക്കും പുറമേ ജിയോ കമ്പനി ഉടമ മിര്‍ ഷക്കീല്‍ ഉര്‍ റഹ്മാനും ടെലിവിഷന്‍ അവതാരക ഷാ വാഹിദിക്കും ഇതേ ശിക്ഷ ലഭിച്ചിട്ടുണ്ട്. എല്ലാവര്‍ക്കും 1.3 ദശലക്ഷം പാകിസ്ഥാന്‍ രുപ പിഴയും വിധിച്ചിട്ടുണ്ട്. നിലവില്‍ വിദേശത്തുള്ള എല്ലാവരേയും ഉടന്‍ അറസ്റ്റ് ചെയ്യാന്‍ ജഡ്ജി ഷബാസ് ഖാന്‍ നിര്‍ദേശം നല്‍കി.
അതേസമയം ഗില്‍ജിത്ത് ബാലട്ടിസ്ഥാനിലെ പ്രാദേശിക കോടതിയില്‍ നാലു പേരും അപ്പീല്‍ സമര്‍പ്പിച്ചിട്ടുണ്ട്. കറാച്ചി, ഇസ്ലാമാബാദ്എന്നിവിടങ്ങളിലും ഈ നാലു പേര്‍ക്കെതിരേ മതനിന്ദയ്ക്ക് കേസെടുത്തിട്ടുണ്ട്. സെക്‌സ്‌ബോംബ് എന്ന വിശേഷണവുമായി 2000 ല്‍ ബോളിവുഡില്‍ എത്തിയ വീണാ മാലിക് തേരേ പ്യാര്‍ മേ, യേ ദില്‍ ആപ് കാ ഹുവാ, സാസി പുന്നോ തുടങ്ങി 17 ലധികം ഇന്ത്യന്‍ സിനിമകളില്‍ നായികയായിട്ടുണ്ട്. മുംബൈ 125 കെ എം എന്ന സിനിമയാണ് ഏറ്റവും പുതിയത്.
എഫ് എച്ച് എം മാഗസിന്റെ കവറില്‍ പൂര്‍ണ്ണനഗ്‌നയായി പ്രത്യക്ഷപ്പെട്ട് ആരാധകരെ ഞെട്ടിച്ചിട്ടുള്ള താരമാണ് വീണാ മാലിക്. ബോളിവുഡ് സിനിമകളില്‍ അശഌല രംഗങ്ങളില്‍ അഭിനയിച്ചതിന്റെ പേരില്‍ വീണാ മാലിക് പാകിസ്ഥാനിലെ മതവിഭാഗങ്ങളില്‍ നിന്നും കടുത്ത എതിര്‍പ്പ് നേരിടുമ്പോഴാണ് പുതിയ വിവാദം പൊങ്ങി വന്നിരിക്കുന്നത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha