ട്രംപിനെ കുഴപ്പിച്ച് വീണ്ടും ഡെമോക്രറ്റുകൾ ! ; അതിർത്തിയിലെ മതില് നിര്മ്മാണത്തിനുള്ള ഫണ്ടിനെ ചൊല്ലിയുള്ള ചർച്ച വിജയം കണ്ടില്ല
അമേരിക്കൻ അതിർത്തിൽ മതില് നിര്മ്മാണത്തിനുള്ള ഫണ്ടിനെ ചൊല്ലിയുള്ള ചർച്ച വിജയം കണ്ടില്ല. ഫണ്ടിനെ ചൊല്ലിയുള്ള തര്ക്കം പരിഹിരിക്കാന് ഡെമോക്രാറ്റ് നേതാക്കളുമായി പ്രസിഡന്റ് ട്രംപ് വൈറ്റ്ഹൗസില് നടത്തിയ ചര്ച്ച നടത്തിയെങ്കിലും പ്രശ്ന പരിഹാരം കാണാതെ ചർച്ച പിരിയുകയിരുന്നു.
ഇരുപക്ഷവും തങ്ങളുടെ നിലപാടുകളില് ഉറച്ചു നിന്നതോടെ സര്ക്കാരിന്റെ ഭാഗിക ഷട്ട്ഡൗണ് പരിഹരിക്കാനുള്ള ശ്രമം പാളി. വര്ഷങ്ങള് നീണ്ടുനിന്നേക്കാവുന്ന ഭാഗിക ഷട്ട് ഡൗണിനു താന് തയാറാണെന്നാണ് ചര്ച്ചയ്ക്കു ശേഷം ട്രംപ് പ്രതികരിച്ചത്. മതില് നിര്മാണത്തിനുള്ള ഫണ്ട് ഉള്പ്പെടുത്താതെ ധനവിനിയോഗ ബില്ലില് ഒപ്പുവയ്ക്കുന്ന പ്രശ്നമില്ലെന്ന് ട്രംപ് ആവര്ത്തിച്ചു. എന്നാൽ ഡെമോക്രാറ്റുകള് ഇതിന ശക്തമായി എതിര്ക്കുകയായിരുന്നു.
യുദ്ധ സമയത്തോ, നാഷണല് എമര്ജന്സി സമയത്തോ മിലിട്ടറിപരമായ നിര്മാണ പ്രവര്ത്തനങ്ങള് നടത്താന് പ്രസിഡന്റിന് അമേരിക്കന് നിയമം പ്രത്യേക അധികാരം നല്കുന്നുണ്ട്. എന്നാല്, ഇതിനുള്ള ഫണ്ട് പ്രതിരോധ വകുപ്പില് നിന്നാണ് വരേണ്ടത്. കോണ്ഗ്രസ് പ്രതിരോധ കാര്യങ്ങള്ക്കായി അനുവദിച്ചിട്ടുള്ള ഫണ്ടായിരിക്കണം അത്. മതില് നിര്മാണത്തിനു വേണ്ടി ട്രംപ് ഇത്തരമൊരു സാഹസത്തിനു മുതിര്ന്നാല് റിപ്പബ്ലിക്കന് പക്ഷത്തു നിന്നും എതിര്പ്പ് ഉയര്ന്നേക്കാം. മാത്രവുമല്ല, ഡെമോക്രാറ്റുകള് വിഷയം കോടതിയില് ചോദ്യം ചെയ്യുമെന്നും ഉറപ്പാണ്.
ഡിസംബര് 23 ന് ആരംഭിച്ച ഭാഗിക ഷട്ട്ഡൗണിനെ തുടര്ന്ന് എട്ടു ലക്ഷത്തോളം ഫെഡറല് ജീവനക്കാര് നിര്ബന്ധിത അവധിയിലോ , ശമ്പളമില്ലാത്ത ജോലിയിലോ ആണ്. രാജ്യത്തിന്റെ ഗുണത്തിനും, സുരക്ഷയ്ക്കും മതില് അനിവാര്യമാണ്. കോണ്ഗ്രസിനെ മറികടന്ന് നാഷണല് എമര്ജന്സി എന്ന നിലയില് മതില് നിര്മാക്കാന് താന് തയാറായേക്കുമെന്നും ട്രംപ് സൂചന നല്കി.
ചര്ച്ചയയില് പങ്കെടുത്ത ഹൗസ് സ്പീക്കര് നാന്സി പെലോസി, സെനറ്റിലെ ഡെമോക്രാറ്റിക് നേതാവ് ചുക് ഷൂമര് എന്നിവര് ട്രമ്പിന്റെ നിലപാടിനെ നിശിതമായി വിമര്ശിച്ചു. സര്ക്കാരിന്റെ പ്രവര്ത്തനങ്ങള് തടസപ്പെടുന്നത് ഒഴിവാക്കാന് തങ്ങള് ശ്രമിച്ചെങ്കിലും പ്രസിഡന്റ് വഴങ്ങുന്നില്ലെന്ന് അവര് കുറ്റപ്പെടുത്തി. നാഷണല് എമര്ജന്സി പ്രഖ്യാപിച്ച് മതില് നിര്മിക്കുമെന്ന് ട്രംപ് വീമ്പിളക്കുന്നുണ്ടെങ്കിലും അത് അത്ര എളുപ്പമുള്ള കാര്യമല്ലെന്ന് ചൂണ്ടിക്കാണിക്കപ്പെടുന്നു.
https://www.facebook.com/Malayalivartha