ഗോള്ഡന് ഗ്ലോബ് പുരസ്കാരങ്ങൾ പ്രഖ്യാപിച്ചു; മികച്ച സംവിധായകൻ അല്ഫോണ്സോ കുവാറോൺ; മികച്ച നടൻ ക്രിസ്റ്റ്യന് ബെയ്ല്, മികച്ച നടി ഗ്ലെന് ക്ലോസ്
ഈ വര്ഷത്തെ ഗോള്ഡന് ഗ്ലോബ് പുരസ്കാരങ്ങളുടെ വിതരണം ആരംഭിച്ചു. കാലിഫോര്ണിയയിലെ ബിവര്ലി ഹിന്റണ് ഹോട്ടലില് വെച്ചാണ് പുരസ്കാര പ്രഖ്യാപനത്തിന്റെ ചടങ്ങുകൾ നടത്തുക. ഗോൾഡൻ ഗ്ലോബിൽ മികച്ച സംവിധായകനായി മെക്സിക്കന് സംവിധായകനും തിരക്കഥാകൃത്തുമായ അല്ഫോണ്സോ കുവാറോണിനെ തെരഞ്ഞെടുത്തു. റോമ എന്ന ചിത്രത്തിലൂടെയാണ് ഈ പുരസ്കാരം അദ്ദേഹത്തെ തേടി എത്തിയത്. അതേസമയം അന്യഭാഷ വിഭാഗത്തിലെ മികച്ച ചിത്രത്തിനുള്ള പുരസ്കാരവും 'റോമ' സ്വന്തമാക്കി. 2014 ല് പുറത്തിറങ്ങിയ ഗ്രാവിറ്റി ന്നെ ചിത്രത്തിലൂടെ മികച്ച സംവിധായകനുള്ള ഓസ്ക്കാര് പുരസ്കാരം നേടിയ സംവിധായകനാണ് അല്ഫോണ്സോ.
അതേസമയം ഹോളിവുഡ് താരം ക്രിസ്റ്റ്യന് ബെയ്ല് മികച്ച നടനുള്ള (മ്യൂസിക്കല്, കോമഡി വിഭാഗം) പുരസ്കാരം നേടി. വൈസ് എന്ന ചിത്രത്തിലെ അഭിനയമാണ് താരത്തെ പുരസ്ക്കാരത്തിന് അര്ഹനാക്കിയത്. ക്രിസ്റ്റ്യന് ബെയ്ലിന്റെ രണ്ടാമത്തെ ഗ്ലോള്ഡന് ഗ്ലോബ് പുരസ്ക്കാരമാണിത്.
ബൊഹീമിയന് റാപ്സഡിയിലെ അഭിനയത്തിന് റാമി മാലെക്കിന് മികച്ച നടനുള്ള പുരസ്കാരം (ഡ്രാമ വിഭാഗം) ലഭിച്ചു. ഈ വിഭാഗത്തില് 'ദ വൈഫ്' എന്ന ചിത്രത്തിലെ പ്രകടനത്തിന് ഗ്ലെന് ക്ലോസ് മികച്ച നടിക്കുള്ള പുരസ്കാരം സ്വന്തമാക്കി.
റെജീന കിംഗാണ് മികച്ച നടി. 'ഇഫ് ബിയാല് സ്ട്രീറ്റ് കുഡ് ടോക്ക്' എന്ന ചിത്രത്തിലെ പ്രകടനമാണ് റെജീനയെ പുരസ്കാരത്തിന് അര്ഹയാക്കിയത്. 'സ്പൈഡര്മാന് : ഇന്ടു ദ സ്പൈഡര് വേഴ്സ്' ആണ് അനിമേറ്റഡ് വിഭാഗത്തിലെ മികച്ച ചിത്രം.
മികച്ച നടന് (ലിമിറ്റഡ് സിരീസ് വിഭാഗം)- ഡാരന് ക്രിസ് അര്ഹനായി. ദി അസാസിനേഷന് ഓഫ് ജിയാനി വെര്സേസ്: അമേരിക്കന് ക്രൈം സ്റ്റോറി എന്ന് ചിത്രത്തിലെ അഭിനയത്തിനാണ് അവാര്ഡ്. മികച്ച ഗാനത്തിനുള്ള പുരസ്കാരം പ്രശസ്ത പോപ് ഗായിക ലേഡി ഗാഗ നേടി. എ സ്റ്റാര് ഈസ് ബോണ് എന്ന ചിത്രത്തിലെ ഷാലോ എന്ന ഗാനത്തിനാണ് പുരസ്ക്കാരം. മികച്ച ആനിമേറ്റഡ് ചിത്രത്തിനുള്ള പുരസ്ക്കാരം മാര്വെല്സ് സ്റ്റുഡിയോസിന്റെ സ്പൈഡര്മാന് ഇന്റു ദ് സ്പൈഡര്വേഴ്സ് സ്വന്തമാക്കി.
മഹേര്ഷാല അലിയാണ് മികച്ച സഹനടന് (ഗ്രീന്ബുക്ക്). ഗ്രീന്ബുക്കിലെ തിരക്കഥയൊരുക്കിയതിന് നിക്ക് വല്ലേലോംഗ, ബ്രയാന് ക്യൂരി, പീറ്റര് ഫരേലി എന്നിവര്ക്ക് മികച്ച തിരക്കഥാകൃത്തിനുള്ള പുരസ്കാരം ലഭിച്ചു. 'ദി അമേരിക്കന്സ്' ആണ് മികച്ച ടെലിവിഷന് സീരീസിനുള്ള (ഡ്രാമ) പുരസ്കാരം സ്വന്തമാക്കിയത്. ഈ വിഭാഗത്തില് മികച്ച നടിയായി സാന്ഡ്രയും (കില്ലിംഗ് ഈവ്), മികച്ച നടനായി റിച്ചാര്ഡ് മാഡനും (ബോഡിഗാര്ഡ്) തെരഞ്ഞെടുക്കപ്പെട്ടു. 'ദ കോമിന്സ്കി മെത്തേഡ്' ആണ് മ്യൂസിക്കല്/കോമഡി വിഭാഗത്തിലെ മികച്ച ടെലിവിഷന് സീരീസ്. ഈ വിഭാഗത്തില് റേച്ചല് ബ്രോസ്നഹാന് ആണ് മികച്ച നടി. മികച്ച നടന് മിഷേല് ഡഗ്ലസ് ആണ്. ഹോളിവുഡ് ഫോറിന് പ്രസ് അസോസിയേഷനാണ് ഗോള്ഡന് ഗ്ലോബ് പുരസ്കാരം നല്കുന്നത്.
https://www.facebook.com/Malayalivartha