ഇറാന്റെ തലസ്ഥാനമായ ടെഹ്‌റാനിനില്‍ വിമാനം ലാൻഡ് ചെയ്യുന്നതിനിടെ റൺവേയിൽ നിന്നും തെന്നിമാറിയുണ്ടായ അപകടത്തിൽ 15 പേർ കൊല്ലപ്പെട്ടതായി റിപ്പോർട്ടുകൾ. ടെഹ്‌റാനിനില്‍ നിന്നും 25 മൈല്‍ അകലെയുള്ള കരാജിലെ ഫാത്ത് വിമാനത്താവളത്തില്‍ ലാൻഡ് ചെയ്യുന്നതായിടെയായിരുന്നു ചരക്ക് വിമാനത്തിന് നിയന്ത്രണം നഷ്ടമായത്.

റണ്‍വേയില്‍ നിന്ന് തെന്നി മാറിയ വിമാനം റസിഡന്‍ഷ്യല്‍ മേഖലയിലേക്ക് ഇടിച്ചു കയറിയായിരുന്നു അപകടമുണ്ടായത്. അപകടത്തില്‍ വിമാനത്തിലുണ്ടായിരുന്ന 15 പേർ കൊല്ലപ്പെട്ടു. ഒരു ഫ്‌ളൈറ്റ് എഞ്ചിനീയർ മാത്രമാണ് അപകടത്തിൽ നിന്നും രക്ഷപ്പെട്ടത്.

വിമാനത്തിലുണ്ടായിരുന്നവരെല്ലാം ഇറാന്‍ പൗരന്മാരായിരുന്നുവെന്ന് ഇറാന്‍ പട്ടാളത്തിന്റെ വക്താവ് അറിയിച്ചു. റവലൂഷനറി ഗാര്‍ഡ്‌സ് കോര്‍പ്‌സിന്റെ നിയന്ത്രണത്തിലുള്ള വിമാനത്താവളമാണിത്. വിവിധ സ്ഥലങ്ങളിലേക്ക് മാംസം എത്തിച്ചിരുന്ന എത്തിച്ചിരുന്ന ചരക്കു വിമാനമാണ് അപകടത്തില്‍ പെട്ടത്. ദുരന്തമുണ്ടായ സമയത്ത് റസിഡന്‍ഷ്യല്‍ മേഖലയിലെ വീടുകളില്‍ ആരുമില്ലായിരുന്നുവെന്ന് പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്തു.