കെനിയയിലെ ഹോട്ടല് സമുച്ചയത്തില് സ്ഫോടനവും വെടിവെപ്പും .. കെട്ടിട സമുച്ചയത്തിലേക്ക് നാല് ആയുധധാരികള് അതിക്രമിച്ചു കയറിയതായി ദൃക്സാക്ഷികള്
കെനിയന് തലസ്ഥാനമായ നൈറോബിയിലെ ഹോട്ടല് സമുച്ചയത്തില് വന് സ്ഫോടനവും വെടിവെപ്പും. നിരവധി ഓഫിസുകളും ഹോട്ടലും പ്രവര്ത്തിക്കുന്ന കെട്ടിടത്തിലാണ് ആക്രമണമുണ്ടായത്. ഭീകരാക്രമണമാണെന്നാണ് പ്രാഥമിക റിപ്പോര്ട്ട്. ആളപായമുള്ളതായി റിപ്പോര്ട്ടില്ല. വെടിയൊച്ച കേട്ടയുടന് ആളുകള് ഇറങ്ങിയോടുകയായിരുന്നു.
കെട്ടിട സമുച്ചയത്തിലേക്ക് നാല് ആയുധധാരികള് അതിക്രമിച്ചു കയറിയതായി ദൃക്സാക്ഷികള് പറയുന്നു. വിവരമറിഞ്ഞയുടന് സ്ഥലത്തെത്തിയ പൊലീസ് കെട്ടിടം വളഞ്ഞു. ആളുകളെ സുരക്ഷിതമായി ഒഴിപ്പിക്കുകയും ചെയ്തു. ആക്രമണത്തിന്റെ ഉത്തരവാദിത്തം സായുധസംഘമായ അശ്ശബാബ് ഏറ്റെടുത്തു. രാജ്യത്ത് 2011 മുതല് അശ്ശബാബ് ആക്രമണം തുടരുകയാണ്.
https://www.facebook.com/Malayalivartha