എന്നെ തടയാൻ ആർക്കുമാകില്ല, എനിക്ക് ശരിയെന്നു തോന്നുന്നത് ഞാൻ ചെയ്യും ! ; തെറ്റ് ചെയ്യുന്നത് കോണ്ഗ്രസോ പ്രസിഡന്റോ, ആരായാലും അവർക്കെതിരെ തിരിയുമെന്നു വ്യക്തമാക്കി ട്രംപിന്റെ അറ്റോര്ണി ജനറല് നോമിനി വില്യം ബ്രാര് സെനറ്റ്
അമേരിക്കൻ പ്രസിഡന്റ് ട്രംപിന് തന്നെ ഭീഷണിപ്പെടുത്താന് കഴിയില്ലെന്ന് ട്രംപിന്റെ അറ്റോര്ണി ജനറല് നോമിനി വില്യം ബ്രാര് സെനറ്റ് ജുഡീഷ്യറി കമ്മിറ്റി മുമ്പാകെ പ്രസ്താവിച്ചു. കണ്ഫര്മേഷന് ഹിയറിംഗിനിടെയുള്ള സെനറ്റര്മാരുടെ ചോദ്യങ്ങള്ക്ക് മറുപടി പറയുകയായിരുന്നു അദ്ദേഹം.
2016 ലെ പ്രസിഡന്ഷ്യല് തെരഞ്ഞെടുപ്പില് റഷ്യന് ഇടപെടല് ഉണ്ടായോ എന്നതിനെപ്പറ്റി സ്പെഷല് കോണ്സല് റോബര്ട്ട് മ്യൂള്ളര് നടത്തുന്ന അന്വേഷണം വേട്ടയാടല് അല്ലെന്നും അദ്ദേഹം നിരീക്ഷിച്ചു. മ്യൂള്ളറുടെ അന്വേഷണം വേട്ടയാടലാകാമെന്ന് ട്രംപ് പലവട്ടം പരാതിപ്പെട്ടിട്ടുണ്ട്. എന്നാൽ മുപ്പതു വര്ഷമായി ട്രംപുമായി വ്യക്തിപരമായ സൗദൃദമുണ്ടെങ്കിലും, താന് ട്രമ്പിന്റെ വിശ്വസ്തനല്ലെന്ന് ബ്രാര് പറഞ്ഞു.
ജോര്ജ് എച്ച് ഡബ്ലു ബുഷിന്റെ കാലത്ത് അറ്റോര്മി ജനറലായിരുന്ന ബ്രാറിന് പ്രസിഡന്റ് ട്രംപിനെതിരേ പിടിച്ചു നില്ക്കുവാന് കഴിയുമോ എന്ന ഡെമോക്രാറ്റ് പക്ഷത്തിന്റെ ചോദ്യത്തിന്, കോണ്ഗ്രസോ പ്രസിഡന്റോ ആരെങ്കിലും തെറ്റായി എന്തെങ്കിലും ചെയ്താല് അതിനെതിരേ താന് നീങ്ങുന്നതു ഭീഷണിപ്പെടുത്തി തന്നെ തടയാന് ആര്ക്കുമാവില്ലെന്നും തനിക്ക് ശരിയെന്നു തോന്നുന്നതാകും ചെയ്യുകയെന്നും ബ്രാര് വ്യക്തമാക്കി. മ്യൂള്ളറുടെ അന്വേഷണം പൂര്ത്തികരിക്കാന് അനുവദിക്കണെമന്ന് അദ്ദേഹം ആവര്ത്തിച്ച് പറഞ്ഞു. റഷ്യക്കാര് ഇടപെടല് നടത്തുകയോ അല്ലെങ്കില് അതിനുള്ള ശ്രമം നടത്തുകയോ ചെയ്തുവെന്നാണ് താന് കരുതുന്നതെന്നും, ഈ വിഷയത്തില് എന്താണ് നടന്നതെന്ന് കണ്ടെത്തുക തന്നെ വേണമെന്നും ബ്രാര് അഭിപ്രായപ്പെട്ടു.
https://www.facebook.com/Malayalivartha