മാന്ഹോളില് കുടുങ്ങിയ കാളയെ രണ്ടു ദിവസത്തിനുശേഷം രക്ഷപ്പെടുത്തി
മാന്ഹോളില് വീണ കൂറ്റന് കാളയെ രക്ഷപ്പെടുത്തി. ചൈനയിലെ ജിയാംഗ്സാ പ്രവിശ്യയിലായിരുന്നു സംഭവം. അഗ്നിശമന സേനാ പ്രവര്ത്തകരും സമീപത്തുണ്ടായിരുന്ന നിര്മ്മാണത്തൊഴിലാളികളും ചേര്ന്ന് വളരെ പണിപ്പെട്ടാണ് മാന്ഹോളില് നിന്ന് കാളയെ രക്ഷപ്പെടുത്തിയത്. ഇതിന്റെ വീഡിയോ ഇപ്പോള് ഇന്റര്നെറ്റില് വൈറലായി മാറിയിരിക്കുകയാണ്. നൂറുകണക്കിന് പേരാണ് ഇതിനകം വീഡിയോ കണ്ടത്.
സെങ് എന്ന കര്ഷകന്റേതാണ് മാന്ഹോളില് കുടുങ്ങിയ കാള. രണ്ടു ദിവസം മുമ്പ് ഇയാളുടെ ഫാമിലുണ്ടായിരുന്ന കാളയെ കാണാതായി. കള്ളന്മാര് മോഷ്ടിച്ചതായിരിക്കും എന്നാണ് കരുതിയത്. എങ്കിലും അന്വേഷണം നടത്തിനോക്കി. അന്വേഷണത്തിനൊടുവില് മാന്ഹോളില് കുടുങ്ങിയനിലയില് കാളയെ കണ്ടെത്തുകയായിരുന്നു.
വിവരമറിഞ്ഞെത്തിയ അഗ്നിശമനസേനാ പ്രവര്ത്തകര് വടമുപയോഗിച്ച് കാളയെ വലിച്ചു പുറത്തെടുക്കാന് ശ്രമിച്ചെങ്കിലും വിജയിച്ചില്ല. ആളെണ്ണം കുറവായതായിരുന്നു കാരണം. ഒടുവില് തൊട്ടടുത്ത് കെട്ടിടനിര്മ്മാണത്തില് ഏര്പ്പെട്ടിരുന്ന രണ്ടുപേരെകൂടി സഹായത്തിന് വിളിച്ചു. എല്ലാവരും കൂടിചേര്ന്ന് കാളയെ വലിച്ചുപുറത്തിട്ടു. രണ്ടു ദിവസം മാന്ഹോളില് കുടുങ്ങികിടന്നെങ്കിലും പറയത്തക്ക ആരോഗ്യപ്രശ്നങ്ങള് ഒന്നും കാളയ്ക്കുണ്ടായിരുന്നില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha