ഞങ്ങളുടെ കുഞ്ഞിനെ മരിക്കാന്‍ അനുവദിക്കൂ... ഇത് ഹൃദയം തകര്‍ന്ന ചൈനീസ് ദമ്പതികളുടെ കരളലിയുന്ന അപേക്ഷയാണ്. കാന്‍സര്‍ ബാധിച്ചു വേദനയില്‍ ജീവിക്കുന്ന തങ്ങളുടെ നാലുവയസ്സുകാരിയ്ക്ക് മരിക്കാന്‍ അനുമതി തരണമെന്ന് അധികാരികളോട് അപേക്ഷിക്കുകയാണ് ഈ ഹതഭാഗ്യര്‍.

സാവോ സിഹന്‍ എന്ന ബാലികയ്ക്ക് രണ്ടുവര്‍ഷം മുമ്പാണ് തന്റെ കണ്ണിന്റെ റെറ്റിനയില്‍ ക്യാന്‍സര്‍ ബാധിച്ചത്. അന്നുമുതല്‍ ആശുപത്രികള്‍ കയറിയിറങ്ങുകയാണ് മാതാപിതാക്കള്‍. അവളുടെ ഇടതുകണ്ണ് ശസ്ത്രക്രിയയിലൂടെ നീക്കം ചെയ്തുവെങ്കിലും കാന്‍സര്‍ അവളെ വിട്ടുപോയില്ല. കഴുത്തില്‍ നിന്നും ഒരു വലിയ മുഴയായി അതു വളര്‍ന്നിരിക്കുന്നു. 
ഇതു ചികില്‍സിച്ചു മാറ്റാനാകില്ലെന്ന് എല്ലാ ഡോക്ടര്‍മാരും പറഞ്ഞു കഴിഞ്ഞു. വേദന സഹിച്ച് ആ കൊച്ചു ജീവിതം എത്രനാള്‍ മുന്നോട്ടു കൊണ്ടുപോകണമെന്നാണ് അവളുടെ മാതാപിതാക്കള്‍ ചോദിക്കുന്നത്. തങ്ങള്‍ക്ക് താങ്ങാവുന്നതിലും അപ്പുറമായിരിക്കും കുഞ്ഞിന്റെ വേര്‍പാട്. എങ്കിലും വേദന തിന്ന് കഴിയുന്നതിനേക്കാള്‍ ശാന്തമായ് അവള്‍ ഈ ലോകം വിട്ടുപോകുന്നത് കാണാനാണ് ആഗ്രഹിക്കുന്നതെന്നാണ് അവര്‍ പറയുന്നത്. ദയാവധത്തിന് ഇപ്പോള്‍ ചൈനയില്‍ നിയമാനുമതി ഇല്ലെങ്കിലും മൂന്നില്‍ രണ്ടിലധികം ചൈനാക്കാര്‍ക്കും ഇതിനോട് അനുകൂലമനോഭാവമാണുള്ളതെന്ന് അടുത്തിടെ നടന്ന ഒരു സര്‍വ്വേയില്‍ തെളിഞ്ഞിരുന്നു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha