അമേരിക്കയിലെ അറ്റ്‌ലാന്റായില്‍ ഒരു ഉടലില്‍ രണ്ടു തലയുമായി സയാമീസ് ഇരട്ടകള്‍ പിറന്നു. ഇത്തരത്തിലുള്ള സയാമീസ് ഇരട്ടകള്‍ ഉണ്ടാകുന്നതിന് പത്തുലക്ഷത്തില്‍ ഒരു സാധ്യത മാത്രമാണുള്ളതെന്ന് മെഡിക്കല്‍ വൃത്തങ്ങള്‍ പറഞ്ഞു. സിസേറിയന്‍ ശസ്ത്രക്രിയയിലൂടെ പുറത്തെടുത്ത ആണ്‍കുഞ്ഞുങ്ങള്‍ക്ക് ഇസ എന്നും അലി എന്നുമാണ് പേരിട്ടിരിക്കുന്നത്.

ഡൈസെഫാലിക് പരാപാഗസ് എന്നാണ് ഇത്തരം ഇരട്ടകളെ ശാസ്ത്രീയമായി പറയുന്നത്. ഹൃദയവും രക്തചംക്രമണ വ്യവസ്ഥയും രണ്ടുപേര്‍ക്കും കൂടി ഒന്നേയുള്ളു. എന്നതിനാല്‍ ശസ്ത്രക്രിയയിലൂടെ ഇവരെ ഒരിക്കലും രണ്ടുകുഞ്ഞുങ്ങള്‍ ആക്കി മാറ്റാനാവില്ല എന്ന് ഡോക്ടര്‍മാര്‍ അറിയിച്ചു. കുട്ടികളുണ്ടാകാന്‍ സാധ്യത ഇല്ലെന്ന് കരുതപ്പെട്ടിരുന്ന റോബിന്റെയും മൈക്കിളിന്റേയും രണ്ടാമത്തെ കുഞ്ഞുങ്ങളാണിത്.

ഇപ്പോള്‍ 22 മാസം പ്രായമുള്ള മൂത്തമകളെ കിട്ടിയതുതന്നെ അത്ഭുതമായാണ് ദമ്പതികള്‍ കരുതുന്നത്. ഇത്തരത്തിലുള്ള ഒരു ശിശുവാണ് രണ്ടാമത്തെ ഗര്‍ഭത്തിലുള്ളതെന്നറിയിച്ചതിനു ശേഷം ഗര്‍ഭമലസിപ്പിക്കുവാന്‍ ആഗ്രഹിക്കുന്നുണ്ടോ എന്ന് ഇവരോട് ചോദിച്ചിരുന്നു. എന്നാല്‍ അവര്‍ അതിന് തയ്യാറായില്ല.  

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha