രോഗിയ്ക്ക് പേന് ശല്യമുള്ളതിനാല് ഡോക്ടര്മാര് ശസ്ത്രക്രിയ നടത്തിയില്ല, രോഗി മരിച്ചു
യു.കെയിലെ ലിന്ഡ്സേ സ്വാന്സണിന് പിത്താശയത്തില് കല്ലുള്ളതിനെ തുടര്ന്ന് ആഗ്നേയ ഗ്രന്ഥി വീക്കം (പാന്ക്രിയാറ്റൈറ്റിസ്) ബാധിച്ചിട്ടുണ്ടെന്നും ആറാഴ്ചക്കുള്ളില് അത് നീക്കം ചെയ്തില്ലെങ്കില് ഗുരുതരമായ ആരോഗ്യപ്രശ്നങ്ങളുണ്ടാകുമെന്നും കണ്ടെത്തിയതാണ് . വീട്ടുകാരാകട്ടെ ശസ്ത്രക്രിയയ്ക്ക് തയ്യാറായതുമാണ്. എന്നാല് ശസ്ത്രക്രിയ ചെയ്യാന് ഡോക്ടര്മാര് വിസമ്മതിക്കുകയായിരുന്നു.
ലിന്ഡ്സേയ്ക്ക് കഠിനമായ പേന് ശല്യമുള്ളതിനാല്, മൈക്രോസ്കോപ്പിലൂടെ മാത്രം കാണാന് കഴിയുന്ന തരം മുറിവുകള് തല ചൊറിയുന്നതുമൂലം തലയോട്ടിയില് ഉണ്ടാകുമെന്നും ശസ്ത്രക്രിയയ്ക്കു ശേ.ഷം ആ മുറിവുകളിലൂടെ അണുബാധ ഉണ്ടാകുമെന്നതിനാലാണ് ശസ്ത്രക്രിയ ചെയ്യാന് തയ്യാറാകാതിരുന്നത് എന്നാണ് ഡോക്ടര്മാരുടെ അഭിപ്രായം. തിരികെ വീട്ടിലെത്തിയ ലിന്ഡ്സേയുടെ ആരോഗ്യം അനുദിനം മോശമാകുകയായിരുന്നു. അവരുടെ ശരീരഭാരം 48 കിലോയോളം കുറഞ്ഞു. ഭാര്യയുടെ നില മോശമാകുന്നതിനെ തുടര്ന്ന് വീണ്ടും ആശുപത്രിയിലെത്തിയ സ്വാന്സണ്- കുടുംബത്തോട് ഡോക്ടര്മാര് ഈ കാര്യം തന്നെ ആവര്ത്തിച്ചു പറഞ്ഞു.
കൂടാതെ അവരുടെ ഹൃദയമിടിപ്പിന്റെ വേഗതയും കൂടുതലായതിനാല് ലിന്ഡ്സയുടെ കുടുംബഡോക്ടറുമായി സംസാരിക്കണമെന്ന് അവര് അഭിപ്രായപ്പെട്ടു. കുടുംബഡോക്ടറും അനുമതി നിഷേധിച്ചതിനുശേഷം പെട്ടെന്ന് സ്ഥിതി വഷളായ ലിന്ഡ്സേയെ ആശുപത്രിയിലെത്തിച്ചെങ്കിലും ജീവന് നിലനിര്ത്താന് കഴിഞ്ഞില്ല.
ആന്തരികാവയവങ്ങളില് ചിലതെല്ലാം ഒന്നിച്ച് പ്രവര്ത്തനരഹിതമായതിനെ തുടര്ന്നാണ് മരണമെന്നാണ് ആശുപത്രി രേഖകളില് കാണുന്നത്. കടുത്ത പാന്ക്രിയാറ്റൈറ്റിസ് ബാധിച്ചവരില് 20 ശതമാനം പേര്ക്ക് മരണ സാധ്യതയുണ്ടെന്നും, ലിന്ഡ്സേ ആ ഇരുപതു ശതമാനം പേരില് ഉള്പ്പെടുത്താവുന്ന സ്ഥിതിയിലുള്ള രോഗിയായിരുന്നുവെന്നാണ് ആശുപത്രി അധികൃതര് കോടതിയില് വാദിക്കുന്നത്. വാദം തുടര്ന്നുകൊണ്ടിരിക്കുന്നു എങ്കിലും.
, ശസ്ത്രക്രിയ ചെയ്താലും ചെയ്തില്ലെങ്കിലും ഈ രോഗത്താല് തന്നെ മരിക്കാനിടയുണ്ടെന്ന സ്ഥിതിയില് ജീവന് നിലനിര്ത്താനുള്ള ശ്രമത്തിന്റെ ഭാഗമായി ശസ്ത്രക്രിയ നടത്തുകയായിരുന്നില്ലേ. കൂടുതല് ഉചിതമായിരുന്നത് എന്ന് ലിന്ഡ്സേയുടെ കുടുംബം ചോദിച്ചാല് അവരെ കുറ്റും പറയാനാവില്ലല്ലോ?
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
