ന്യൂസിലാന്‍ഡിന്റെ തെക്കന്‍ ദ്വീപില്‍ ശക്തമായ ഭൂചലനം ഉണ്ടായതായി റിപ്പോര്‍ട്ട് . ചൊവ്വാഴ്ച പ്രദേശിക സമയം പുലര്‍ച്ചെ 6.48ന് അനുഭവപ്പെട്ട ഭൂചലനത്തില്‍ ആളപായമോ നാശനഷ്ടങ്ങളുണ്ടായതായോ രേഖപ്പെടുത്തിയിട്ടില്ല. തെക്കന്‍ ദ്വീപില്‍ മെത്‌വെനിന് 35 കിലോമീറ്റര്‍ അകലെ 10 കിലോമീറ്റര്‍ ആഴത്തിലാണ് റിക്ടര്‍ സ്‌കെയിലില്‍ 6.4 തീവ്രതയുള്ള ഭൂചലനത്തിന്റെ പ്രഭവകേന്ദ്രമെന്ന് ജിയോ നെറ്റ് വ്യക്തമാക്കി.

ഭൂകമ്പ സാധ്യത ഏറിയ റിംഗ് ഓഫ് ഫയര്‍ മേഖലയില്‍പെട്ട രാജ്യമായ ന്യൂസിലാന്‍ഡില്‍ പ്രതിവര്‍ഷം 2.5 മുതല്‍ 6.0 വരെ തീവ്രതയില്‍ 20,000 ഓളം ഭൂചലനങ്ങള്‍ അനുഭവപ്പെടുന്നുണ്ട്. 2011 ല്‍ ക്രൈസ്റ്റ്ചര്‍ച്ചിലെ സൗത്ത് ഐലന്‍ഡ് നഗരത്തില്‍ അനുഭവപ്പെട്ട 6.3 തീവ്രത രേഖപ്പെടുത്തിയ ഭൂചലനത്തില്‍ 185 പേരാണ് മരിച്ചത്.

1855 ല്‍ വെല്ലിംഗ്ടണ്‍ ഐലന്‍ഡിലാണ് ഏറ്റവും ശക്തമായ ഭൂചലനം അനുഭവപ്പെട്ടത്. റിക്ടകര്‍ സ്‌കെയിലില്‍ 8.2 തീവ്രത രേഖപ്പെടുത്തിയ ഭൂചലനത്തില്‍ നാലു പേരാണ് മരിച്ചത്. ആ ഭൂചലനം ന്യൂസിലാന്‍ഡിന്റെ ഭൂമിശാസ്ത്രത്തില്‍ മാറ്റങ്ങള്‍ സൃഷ്ടിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha