പാക്കിസ്ഥാന് നല്ല സര്ട്ടിഫിക്കേറ്റ് നല്കിയിട്ടില്ലെന്ന് യുഎസ്
ഭീകരപ്രവര്ത്തനം അമര്ച്ച ചെയ്യുന്നതിന് പാക്കിസ്ഥാന് മികച്ച പ്രകടനം കാഴ്ചവച്ചെന്ന സര്ട്ടിഫിക്കേറ്റ് നല്കിയിട്ടില്ലെന്ന് യുഎസ്. ഭീകരര്ക്കെതിരെ പ്രവര്ത്തിക്കാന് പാക്കിസ്ഥാന് 532 മില്യണ് ഡോളര് ധനസഹായം നല്കുമെന്നായിരുന്നു റിപ്പോര്ട്ടുകള്.
എന്നാല് 2013ല് പാക്കിസ്ഥാന് യുഎസ് സാമ്പത്തിക സഹായം നല്കിയെന്നും എന്നാല് ഇത് സര്ട്ടിഫിക്കേറ്റ് അല്ലെന്നും സ്റ്റേറ്റ് ഡിപ്പാര്ട്മെന്റ് വക്താവ് ജന് സാകി പറഞ്ഞു. പല പദ്ധതികളിലൂടെ പാക്കിസ്ഥാന് സാമ്പത്തിക സഹായം നല്കിവരുന്നുണ്ടെന്നും സാകി കൂട്ടിച്ചേര്ത്തു.
പാക്കിസ്ഥാന് മികച്ച പ്രകടനത്തിനുള്ള സര്ട്ടിഫിക്കേറ്റ് നല്കി എന്ന വാര്ത്തകളോട് ഇന്ത്യ ശക്തമായാണ് പ്രതികരിച്ചത്. ഭീകരപ്രവര്ത്തനത്തെ അമര്ച്ച ചെയ്യാന് കാര്യമായവയൊന്നും തന്നെ പാക്കിസ്ഥാന് ചെയ്യുന്നുണ്ടെന്നു കരുതുന്നില്ലെന്ന് വിദേശകാര്യ വക്താവ് സയ്യിദ് അക്ബറുദ്ദീന് പറഞ്ഞു. അല് ഖായിദ, ലഷ്കറെ തയിബ തുടങ്ങിയ ഭീകര സംഘടനകള്ക്കുള്ള പിന്തുണ അവസാനിപ്പിക്കാനോ അവരുടെ താവളങ്ങള് തകര്ക്കാനോ പാക്കിസ്ഥാനായിട്ടില്ലെന്നും ഇന്ത്യ പ്രതികരിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
