ഏറ്റവും ഒടുവില്‍ ഇമ്രാന്‍ഖാന്‍ സമ്മതിച്ചു. ബിബിസി ചാനലിന്റെ മുന്‍ അവതാരകയും മൂന്ന് കുട്ടികളുടെ അമ്മയുമായ സ്ത്രീയെ താന്‍ വിവാഹം കഴിച്ചെന്ന് ഒടുവില്‍ പാക് ക്രിക്കറ്റ്താരവും പ്രതിപക്ഷ നേതാവുമായ ഇമ്രാന്‍ഖാന്റെ സമ്മതം.  41 കാരിയായ റഹം ഖാനെ വീട്ടുകാരുടെയും നാട്ടുകാരുടേയുമെല്ലാം എതിര്‍പ്പിനെ അവഗണിച്ചാണ് 62 കാരനായ ഇമ്രാന്‍ വിവാഹം കഴിച്ചത്. നാട്ടിലേക്ക് മടങ്ങുന്നതിന് മുമ്പാണ് ഇമ്രാന്‍ ഇക്കാര്യം തുറന്നു പറഞ്ഞിരിക്കുന്നത്.
ഇക്കാര്യത്തില്‍ ഒന്നും ഒളിക്കാനില്ലെന്ന് അദ്ദേഹം വ്യക്തമാക്കി.  പത്തു വര്‍ഷം മുമ്പ് ഇമ്രാന്‍ ആദ്യഭാര്യ ജമൈമയുമായുള്ള വിവാഹബന്ധം നിയമപരമായി വേര്‍പെടുത്തിയിരുന്നു.  പുതുവത്സര ദിനത്തിലാണ് ഇമ്രാന്റെ വിവാഹ വാര്‍ത്ത ആദ്യം പുറത്ത് വന്നത്. ഇമ്രാന്‍ ഇക്കാര്യം നിഷേധിക്കുകയും ചെയ്തിരുന്നു.  വിവാഹവാര്‍ത്ത രാജ്യത്തെ അറിയിക്കാന്‍ പോകുകയാണെന്നും തനിക്ക് ഒന്നും ഒളിക്കാനില്ലെന്നും ഖാന്‍ പറഞ്ഞു.
അതേസമയം ആദ്യ വിവാഹവുമായി ബന്ധപ്പെട്ട് റഹം ഇപ്പോഴും ബ്രിട്ടനിലാണ്. ബിബിസിയുടെ പ്രാദേശിക വാര്‍ത്താ പരിപാടിയായ സൗത്ത് ടുഡേയുടെയും കാലാവസ്ഥാ റിപ്പോര്‍ട്ടിന്റെയും മുന്‍ അവതാരകയാണ് റഹം.  ഒരു ഡോക്ടറെ ആദ്യം വിവാഹം കഴിച്ചതില്‍ റഹത്തിന് മൂന്ന് മക്കളുണ്ട്.  അതേസമയം ഇമ്രാന്‍ റഹത്തെ വിവാഹം കഴിക്കുന്നതിന് പാകിസ്ഥാനില്‍ വലിയ എതിര്‍പ്പുണ്ട്.
കുടുംബവും അദ്ദേഹത്തിന്റെ പാര്‍ട്ടിക്കാരും വിവാഹ വാര്‍ത്ത പുറത്ത് പോകാതിരിക്കാന്‍ അങ്ങേയറ്റം ശ്രദ്ധിക്കുകയും ചെയ്തിരുന്നു. റഹത്തെ കരി വാരി തേയ്ക്കാനായി ഫേസ്ബുക്കില്‍ ഇവരെ വെറുക്കുന്നവര്‍ക്കുള്ള പേജ് തന്നെ ഒരുക്കിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha