മറ്റുള്ളവരുടെ വിശ്വാസങ്ങളെ അധിക്ഷേപിക്കുകയും അപമാനിക്കുകയും ചെയ്താല്‍ തിരിച്ചടി പ്രതീക്ഷിക്കണമെന്ന് ഫ്രാന്‍സിസ് മാര്‍പാപ്പ. ശ്രീലങ്കയില്‍നിന്ന് ഫിലിപ്പൈന്‍സിലേക്കുള്ള യാത്രയ്ക്കിടെ മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം. എന്നാല്‍ ദൈവത്തിന്റെ പേരില്‍ ആക്രമണങ്ങള്‍ നടത്തുന്നത് ബുദ്ധിശൂന്യമാണെന്നും അദ്ദേഹം പറഞ്ഞു. പാരീസിലെ മാധ്യമസ്ഥാപനമായ ചാര്‍ളി എബ്ദോക്കെതിരെ നടന്ന ഭീകരാക്രമണത്തെ തല്ലിയും തലോടിയും പോപ് ഫ്രാന്‍സിസ് മാദ്ധ്യമപ്രവര്‍ത്തകരുടെ ചോദ്യങ്ങളോട് പ്രതികരിച്ചു.
മതത്തിന്റെ സ്വാതന്ത്രവും അഭിപ്രായസ്വാതന്ത്രവും അടിസ്ഥാനപരമായ മനുഷ്യാവകാശങ്ങളാണ്. അഭിപ്രായസ്വാതന്ത്രത്തെ അംഗീകരിക്കുന്നതൊടൊപ്പം തന്നെ ആരുടെയും വിശ്വാസത്തെ ചോദ്യം ചെയ്യാനും അപമാനിക്കാനും പാടില്ലെന്ന് മാര്‍പാപ്പ കൂട്ടിച്ചേര്‍ത്തു.ദൈവത്തിന്റെ പേരില്‍ നടത്തുന്ന ആക്രമണങ്ങള്‍ ബുദ്ധിശൂന്യമാണെന്ന് മാര്‍പാപ്പ പറഞ്ഞു. ദൈവത്തിന്റെ പേരില്‍ ആര്‍ക്കും ആരെയും കൊല്ലാന്‍ സാധിക്കില്ലെന്നും മാര്‍പാപ്പ ഊന്നിപ്പറഞ്ഞു. വിശ്വാസങ്ങളെ കളിയാക്കുകയോ അധിക്ഷേപിക്കുകയും ചെയ്യുമ്പോള്‍ തിരിച്ചടി പ്രതീക്ഷിക്കണമെന്ന് പറഞ്ഞ മാര്‍പ്പാപ്പ അഭിപ്രായ സ്വാതന്ത്ര്യത്തിന്‍ മേലുള്ള കടന്നുകയറ്റങ്ങളെ അപലപിക്കുകയും ചെയ്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha