ലിബിയയില്‍ കാര്‍ ബോംബ്‌ സ്‌ഫോടനത്തില്‍ 10 മരണം
ലിബിയയില്‍ ഉണ്ടായ കാര്‍ ബോംബ്‌ സ്‌ഫോടനത്തില്‍ പത്തുപേര്‍ മരിച്ചു. ഇരുപതോളം പേര്‍ക്ക്‌ പരിക്കേറ്റിട്ടുണ്ട്‌. ഇവരില്‍ മൂന്നു പേരുടെ നില ഗുരുതരമാണ്‌. ബെന്‍ഗാസി നഗരത്തിലെ ഒരു ആശുപത്രിക്ക്‌ പുറത്ത് നിര്‍ത്തിയിട്ടിരുന്ന ടൊയോട്ട കാറില്‍ നിറച്ച സ്‌ഫോടക വസ്‌തുക്കള്‍ പൊട്ടിത്തെറിക്കുകയായിരുന്നു.
ബെന്‍ഗാസിയില്‍ കഴിഞ്ഞ ഏതാനും ദിവസങ്ങളിലായി ഉണ്ടായിക്കൊണ്ടിരിക്കുന്ന സ്‌ഫോടന പരമ്പരയുടെ തുടര്‍ച്ചയാണിതെന്ന്‌ അധികൃതര്‍ വ്യക്തമാക്കി. സ്‌ഫോടനസ്ഥലത്തിന്‌ സമീപമുണ്ടായിരുന്ന റെസ്റ്റോറന്റ്‌ പൂര്‍ണമായി നശിച്ചതായും സമീപത്തുള്ള നിരവധി കെട്ടിടങ്ങള്‍ക്ക്‌ നാശനഷ്‌ടം നേരിട്ടതായും ലിബിയന്‍ ആഭ്യന്തര ഉപമന്ത്രി അബ്‌ദുള്ള മസൗദ്‌ വ്യക്തമാക്കി. എന്നാല്‍ ആക്രമണത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല. ഏപ്രിലില്‍ ഫ്രഞ്ച്‌ എംബസിക്കടുത്തുണ്ടായ കാര്‍ ബോംബ്‌ സ്‌ഫോടനത്തില്‍ രണ്ട് ഫ്രഞ്ച്‌ ഉദ്യോഗസ്ഥര്‍ ഉള്‍പ്പെടെ നിരവധി പേര്‍ക്ക്‌ പരിക്കേറ്റിരുന്നു.
https://www.facebook.com/Malayalivartha
