ഈജിപ്ഷ്യന് സിനിമാറാണി ഫെത്തിന് ഹമീമ അന്തരിച്ചു
ഈജിപ്ഷ്യന് സിനിമയുടെ രാജ്ഞിയെന്നറിയപ്പെടുന്ന നടി ഫെത്തിന് ഹമീമ അന്തരിച്ചു. വിഖ്യാത നടന് ഒമര് ഷെരീഫിന്റെ ഭാര്യയായിരുന്ന ഫെത്തിന് 83 വയസായിരുന്നു.പതിനാറാം വയസില് ഈജിപ്ഷ്യന് സംവിധായകന് എസല് സയ്ദ് ദിന് സുല്ഫിക്കറെ വിവാഹം കഴിച്ചശേഷം 1947 ല് അദ്ദേഹത്തിന്റെ ചിത്രത്തിലൂടെയാണ് താരപദവിയിലെത്തുന്നത്.
1954 ല് എസ്സലും ഫെത്തിനും വേര്പിരിഞ്ഞു. \'ലോറന്സ് ഒഫ് അറേബ്യ\', \'ഡോക്ടര് ഷിവാഗോ\' തുടങ്ങിയ വിശ്വപ്രസിദ്ധ ചിത്രങ്ങളിലെ നായകനായിരുന്ന ഹോളിവുഡ് താരം ഒമര് ഷെരീഫ് ആയിരുന്നു തുടര്ന്ന് ജീവിതത്തിലേക്ക് കടന്നു വന്നത്. \'അവര് ബെസ്റ്റ് ഡേയ്സ്\' (1955) \'ലേഡി ഒഫ് ദ കാസ്ല്\' (1959), അന്ന കരനീനയുടെ ചലച്ചിത്രാവിഷ്കാരമായ \'ദ റിവര് ഒഫ് ലവ്\' (1961) തുടങ്ങിയ ചിത്രങ്ങളില് അവര് ഒരുമിച്ച് പ്രത്യക്ഷപ്പെട്ടു. 1974ല് ഫെത്തിനുമായുള്ള വിവാഹ ബന്ധം വേര്പെടുത്തേണ്ടിവന്നു. ഇവര്ക്ക് താരിഖ് അമിര് എന്ന മകനുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
