ഇന്ത്യയെ ഐസിസ് ഭീകരര്‍ ലക്ഷ്യമിട്ടേക്കാമെന്ന് ബ്രിട്ടന്റെ മുന്നറിയിപ്പ്. ഇസ്ലാമിക ഭീകരരുടെ ആക്രമണത്തെ നേരിടാന്‍ ഇന്ത്യ തയാറായിരിക്കണമെന്നും ബ്രിട്ടന്റെ മുന്നറിയിപ്പില്‍ പറയുന്നു. ജനുവരി 15, 16 തീയതികളില്‍ ലണ്ടനില്‍ നടന്ന ഇന്ത്യബ്രിട്ടണ്‍ സംയുക്ത ഭീകരവിരുദ്ധ യോഗത്തിലാണ് ബ്രിട്ടണ്‍ മുന്നറിയിപ്പ് നല്‍കിയത്. അതേസമയം, ബ്രിട്ടണ്‍ അല്‍ക്വെയ്ദയുടെ ലക്ഷ്യമാണെന്ന് ഇന്ത്യയും അറിയിച്ചു.
ഭീകരരെ നല്ലതെന്നും ചീത്തയെന്നും തരംതിരിക്കുന്ന പാകിസ്ഥാന്‍ നടപടിക്കെതിരെ പ്രതികരിക്കണമെന്ന് ഇന്ത്യ ബ്രിട്ടനോട് ആവശ്യപ്പെട്ടു. ഇത്തരം സമീപനം പാകിസ്ഥാനെ ഭീകരതയുടെ നഴ്‌സറിയാക്കി മാറ്റുകയാണെന്നും ഇന്ത്യന്‍ പ്രതിനിധികള്‍ അഭിപ്രായപ്പെട്ടു.
മുംബൈയില്‍ നിന്നുളള നാല് യുവാക്കള്‍ ഐസിസില്‍ ചേര്‍ന്നത് വാര്‍ത്തയായിരുന്നു. ഇതിലൊരാള്‍ നവംബറില്‍ മടങ്ങിയെത്തുകയും അറസ്റ്റിലാവുകയും ചെയ്തിരുന്നു. ഭീകരസംഘടനയുടെ ട്വിറ്റര്‍ അക്കൗണ്ട് കൈകാര്യം ചെയ്തിരുന്ന ബംഗളൂരുവില്‍ നിന്നുളള മെഹ്ദി മസ്‌റൂര്‍ ബിശ്വാസിനെയും അറസ്റ്റു ചെയ്തിട്ടുണ്ട്. ഐസിസില്‍ ചേരാനായി യുഎസില്‍ നിന്ന് മടങ്ങിയെത്തിയ ഹൈദരാബാദ് സ്വദേശിയായ എഞ്ചിനിയര്‍ അറസ്റ്റിലായത് അടുത്തിടെയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha