പറന്നുയരാന് നിമിഷങ്ങള് മാത്രമുള്ളപ്പോള് വിമാനത്തിന്റെ എന്ജിന് മുകളില് യുവാവ് നില്ക്കുന്നതായി കണ്ട് പെലറ്റ് എന്ജിന് ഓഫ് ചെയ്തു!
നൈജീരിയയിലെ ലാഗോസില് നിന്ന് നൈജീരിയയിലെത്തന്നെ പോര്ട്ട് ഹര്കോര്ട്ടിലേയ്ക്കുള്ള അസ്മന് എയറിന്റെ ബോയ്ങ് 737 വിമാനം പറന്നുയരാന് നിമിഷങ്ങള് മാത്രമേ ബാക്കിയുണ്ടായിരുന്നുള്ളൂ. ആ സമയത്ത് വിമാനത്തിന്റെ ഉള്ളില് നിന്നും പുറത്തേക്ക് നോക്കിയ യാത്രക്കാരന് കണ്ട കാഴ്ച അയാളെ അമ്പരപ്പിച്ചു. വിമാനത്തിന്റെ ചിറകില് മുറുകെ പിടിച്ചു കൊണ്ടിരിക്കയായിരുന്നു ഒരു യുവാവ്. അപ്പോഴേക്കും വിമാനം പറക്കാനായുള്ള അവസാന തയാറെടുപ്പിലായിരുന്നു. പറന്നുയര്ന്നാല് യുവാവിന്റെ ജീവനും ഒരുപക്ഷേ വിമാനം തന്നെ തകരാനും ഇടയാകും. ജനലിലൂടെ ഈ കാഴ്ച കണ്ട യാത്രക്കാരന് ഉടന് തന്നെ വിമാനത്തിലെ ജീവനക്കാരെ വിവരമറിയിച്ചു.
വിമാന ചിറകില് അള്ളിപ്പിടിച്ചിരുന്ന് യാത്ര ചെയ്യാനായിരുന്നു യുവാവിന്റെ ശ്രമം എന്നാണ് എയര്പോര്ട്ട് അധികൃതര് പറയുന്നത്. ലഗേജുമായി എത്തിയ യുവാവിന്റെ ബാഗ് എന്ജിന്റെ സമീപത്ത് നിന്ന് ലഭിച്ചു. മാനസികവിഭ്രാന്തിയുള്ള യുവാവാണ് വിമാനചിറകില് കയറിയത് എന്നും റിപ്പോര്ട്ടുകളുണ്ട്.
എയര്ട്രാഫിക് കണ്ട്രോളില് നിന്ന് പറക്കാനുളള അനുമതി ലഭിക്കുന്നതിനായി കാത്തു കിടക്കുമ്പോഴാണ് ചിറകില് യുവാവിനെ കണ്ടത്. ക്യാബിന് ക്രൂ അറിയിച്ചതിനെ തുടര്ന്ന് കൂടുതല് അപകടങ്ങളുണ്ടാകാതിരിക്കാന് പൈലറ്റ് വിമാനത്തിന്റെ എന്ജിന് ഓഫ് ചെയ്തെന്നും പ്രദേശിക മാധ്യമങ്ങള് റിപ്പോര്ട്ട് ചെയ്യുന്നു.
https://www.facebook.com/Malayalivartha